Diit 19 - RUAC KUƆTH IN RƐL RƆ

Gɔɔy Kuɔth Cäkä kɛnɛ ŋuɔ̱t

(Dit Dee-bid)

¹ Lat pua̱a̱r gɔy Kuɔth, nhial latdɛ lät tetnikɛ.

² La cäŋ lät cäätni cäŋ in dɔ̱ŋ, kä la lät wäär ŋäc ŋɔaanidɛ wäär in dɔ̱ŋ.

³ Kä thilɛ ruac kiɛ rieet ti latkɛ, kä /ca jɔwdiɛn liŋ.

⁴ Kä ŋotdɛ pal jɔwdiɛn ni wi̱i̱ muɔ̱ɔ̱n kɛɛliw, kä räth ruacdiɛn ni rɛy ɣɔaa. Rɛy puɔ̱ɔ̱rä cɛ cäŋ lät kä ciëŋ thi̱n,

⁵ la bä cäŋ raar ce̱tkɛ wut mi bä raar duëëlɛ, ce̱tdɛ nikɛ wut mi bum bum mi wur ko̱o̱ŋä kɛ tɛ̈th lɔaac.

⁶ La känyɛ puɔ̱ɔ̱rä kui̱c ɛ mi, kä bɛ rɔ wiɛn kui̱c in dɔ̱ŋ, kä thilɛ mi dëë rɔ tɛ̱̈ɛ̱̈ kɛ lethdɛ.

⁷ Ŋuɔ̱t Kuɔth Nhial gɔwkɛ ɛlɔ̱ŋ, kɛn la jakɛ tëk kä bum. Kä luëëk Kuɔth Nhial kɛ thuɔ̱ɔ̱k, kɛn la jak ram mi kui̱c duɔ̱ɔ̱r kä pɛl.

⁸ Luëëk Kuɔth Nhial kɛ cuŋ, kɛn la jakɛ lɔc ran kä gɔaa, luëëk Kuɔth Nhial puɔthkɛ kɛn la duɔ̱ɔ̱p a jak ɛ kä buɔy.

⁹ Luth Kuɔth Nhial gɔaaɛ ɛlɔ̱ŋ, kä bɛ te thi̱n amäni cäŋ kɛl. Kä luɔ̱ɔ̱k Kuɔth Nhial kɛ cuŋ, kä kɛn diaal kɛ thuɔ̱ɔ̱k.

¹⁰ Kä gɔwni kɛn kä da̱a̱p gɔwni kɛn kä da̱a̱p in lɛy lɛy. Kä limni kɛn kä tuaar, limni kɛn kä tuaar in ca dhim.

¹¹ Kä kɛ kɛn la luekɛ ja̱ŋdu mɔ, kä kɛ ti̱etdiɛn jëkɛ duɔ̱ɔ̱r thi̱n.

¹² Kä ɛŋa dëë duerɛ ŋa̱c ɔ? Päli ɣä dueerkä tin kuecä.

¹³ Kä gaŋ ɣä kä duer in luɔtdä ni jɛ, akɛ /ca ɣä puɔ̱t! Kä bä cu thil bɛ̈l, kä bä cu thil ŋu kä duer in di̱i̱t.

¹⁴ A ruacdä kɛnɛ ca̱r lɔaacdä la ti gɔw waaŋdu, lö pämdä kä käändä ni Kuoth Nhial.