Diit 18 - RUAC KUƆTH IN RƐL RƆ

Dit puɔnyä Dee-bid

(Dit Dee-bid ja̱ŋ Kuɔth)

¹ Ɣän nhɔakä ji̱ lö Kuoth Nhial in la buɔ̱mdä.

² Kuoth Nhial ɛ buɔ̱mdä, kä gääŋdä, kä luääkdä, Kuoth ɛ gääŋdä, kä la lua̱kä rɔ kä jɛ, ɛ ko̱tdä, kä ɛ buɔ̱mdä, kä ɛ gääŋdä kä luääkdä.

³ Cä Kuoth Nhial, in ro̱ŋ kɛ liak cɔl, kä cɛ ɣä kän kä ji̱ tɛ̈rä.

⁴ Kä dep li̱eth tëë gekädä kä muaŋ däkä tëë ni wi̱i̱dä.

⁵ Kä dep li̱eth yiɛnɛ ɣä, kä kɔ̱a̱k li̱eth tëë nhiamdä.

⁶ Kɛ riɛkdä cä Kuoth Nhial cɔl, cua̱ Kuothdä cɔl kɛ luäk. Ni luaakdɛ cuɛ jɔwdä liŋ, cuɛ wieedä liŋ kɛ ji̱thdɛ.

⁷ Cu piny dual kä cuɛ jɛ lath, kä cuɛ keŋ päämni lath bä cuɛ jɛ lath, kɛ ɣöö ci Kuoth gaak.

⁸ Kä cu tol ben raar wuumdɛ, kä cu mac ben raar thokdɛ, bo̱l maac miim cɛ ben kä jɛ.

⁹ Cuɛ pua̱a̱r da̱a̱k, kä cuɛ ben piny, kä te muth mi col ciöknikɛ.

¹⁰ Cuɛ kɔt kɛ mi ce̱tkɛ puɔ̱ny jääkä kä cuɛ riŋ, kä cuɛ ben kɛ pɛ̈th kɛ rɛy jiɔam.

¹¹ Cuɛ rɔ kum kɛ muth, ca jɛ go̱l ɛ wuɔ̱n nhial mi col.

¹² Kɛ buay nhiamdɛ la no̱o̱ŋɛ pua̱r mi dɛm kɛ guiy kä tekɛ yi̱el.

¹³ Cu Kuoth Nhial ma̱r ni nhial, ɛn Kuoth in Di̱t ni Jɛn cɛ jɔwdɛ ja̱k, kɛ nhiaal guiiyni kɛnɛ yi̱el.

¹⁴ Cuɛ bäärikɛ yuɔr, kä cuɛ ji̱ tɛ̈rɛ riaw dɔɔr, kɛ buaydɛ min di̱i̱t, cukɛ rɔ̱ bar.

¹⁵ Kä cu rɛy yiëri jɔɔc kä cu keŋ ɣɔaa te ni baaŋ, mëë ci Kuoth Nhial gaak kɛ ji̱ tɛ̈rɛ kɛ ŋo̱kdɛ kɛ kɛ yiëë kɛ wumdɛ.

¹⁶ Ni nhial cuɛ ɣä lɔ̱m ni piny, cuɛ ɣä ben ka̱n rɛy pi̱i̱ni ti ŋuan.

¹⁷ Kä cɛ ɣä kän kä gua̱n tɛ̈rä mi bum, cɛ ɣä luäk kä nɛy diaal tin lökɛ ɣä, kɛ ɣöö bum nikɛn kä ɣä.

¹⁸ Cukɛ ben kä ɣä kɛ cäŋ rikädä, duundɛ ɣöö cu Kuoth Nhial ɣä gaŋ.

¹⁹ Cuɛ ɣä nööŋ raar guäth mi rik, cɛ ɣä kän kɛ ɣöö nhɔkɛ ɣä.

²⁰ Ci Kuoth Nhial ɣä la̱t agɔaa kɛ kui̱ cuŋnikä, cɛ ɣä poth kɛ ɣöö thilɛ ɣä duer.

²¹ Kä cä duɔ̱p Kuɔth Nhial tit, kä /ka̱n rɔ ri̱t kɔr Kuɔthdä.

²² Kɛ ɣöö te ŋuɔ̱tkɛ diaal nhiamdä cua̱ luëëkɛ la̱t, /ka̱n rɔ woc thi̱n.

²³ Kä thilɛ ɣä bɛ̈l nhiamdɛ, kä cä rɔ tit kä duer.

²⁴ Kɛ kui̱ ɛmɔ ci ɣä culikä, kɛ kui̱ cuŋnikä, kɛ kui̱ kä ɣöö thilɛ ɣä duer waaŋdɛ.

²⁵ Kä Kuoth gɔaaɛ kɛ nɛy tin gɔw kɛ jɛ, kä thilɛ jɛ bɛ̈l kɛ nɛy tin thil bɛ̈l.

²⁶ Kä jɛn gɔaaɛ kɛ nɛy tin gɔw kɛ jɛ, kä la ŋɛ̈ɛ̈nyɛ kɛ nɛy tin jiäk.

²⁷ Kä la käänɛ nɛy tin mua̱l mua̱a̱l, kä la käpɛ nɛy tin kapkɛ rɔ̱ nhial piny.

²⁸ Ɛ jɛn la buaydä mɔ, kä ji̱n Kuoth Nhial ni Kuothdä mɛri muthdä.

²⁹ Kä kɛ luäkdɛ dëë ji̱ tɛ̈rä mak, kɛ buɔ̱m Kuɔthdä dëë pa̱nyni ba̱l.

³⁰ Duɔ̱p Kuɔth ɛmɛ cuɔ̱ŋkɛ, kä ruac Kuɔth Nhial tëë guäthdɛ, kä jɛn ɛ ko̱t nɛɛni diaal tin lua̱kɛ rɔ̱ jɛ.

³¹ Ɛŋa la Kuoth ɔ mi /ci mua Kuoth Nhial? Kä ɛŋa la päm ɔ mi /ci mua Kuothda?

³² Ɛn Kuoth ɛmɛ ɛ gääŋdä mi bum, jakɛ duɔ̱pkä kä tekɛ mal.

³³ Kä jakɛ ɣä kä puɔl ce̱tkɛ kɛ̈w kä cɛ ɣä jak kä cuŋ wuɔ̱thni päämni.

³⁴ Kä cɛ ɣä ŋi̱eec kɛ ko̱r, kɛ kui̱c ɛmɔ dëë kui̱n kui̱n yieethä gɔ̱ŋ.

³⁵ Ci Kuoth Nhial ɣä gaŋ, kä cɛ ɣä kän, cuɛ ɣä luäk nikɛ tet cuëëcdɛ, kɛ gɔɔydɛ cuɛ ɣä jak kä bum.

³⁶ Kä ci ka̱a̱th ciöknikä rep, kä /kenɛ ciökä lɛ lath.

³⁷ Cä ji̱ tɛ̈rä joc, kä cäkɛ käp, kä /ka̱n rɔ ri̱t amäni thuɔ̱kdiɛn.

³⁸ Cäkɛ kuɛr ni piny, kɛ ɣöö /cikɛ rɔ̱ bi nyɔk kɛ jiëc, tëthni kɛn kamni ciöknikä.

³⁹ Kä ci ɣä moc kɛ buɔ̱m köör, kä ci ɣä ka̱m juc ji̱ tɛ̈rä.

⁴⁰ Kä ci ji̱ tɛ̈rä jak kä barkɛ rɔ̱ kɛ ɣä, kä cä nɛy tin lökɛ ɣä näk.

⁴¹ Cukɛ luäk go̱r, duundɛ ɣöö thilɛ ram mi cikɛ luäk, cikɛ Kuoth Nhial thiec kɛ luäk, duundɛ ɣöö /kenɛ kɛ loc.

⁴² Cua̱kɛ duäc a bikɛ nuɔɔr ce̱tnikɛ tup rɛy jiɔam, cua̱kɛ dɔany ce̱tnikɛ tuäk duɔ̱p.

⁴³ Kä curi ɣä kän kä nɛy tëë ca rɔ̱ luɔ̱c ɣä, kä ci ɣä jak kä kuäär dööri, kä ca ɣä lätikä ɛ nɛy ti kuecä.

⁴⁴ Kä niɛ mɔ ca ɣä liŋ ɔ, la kɛn ɣä cua̱ luth, kä la la̱ŋ jur nhiamdä.

⁴⁵ Ci jur lɔcdiɛn baath, bäkɛ raar ti̱ecnikiɛn tin buɔ̱m buɔ̱ɔ̱m ɛ lathɛ kɛ.

⁴⁶ Ce̱tnikɛ min tëk Kuɔth Nhial, ɛ puɔ̱th wä kä gääŋdä, a liak tekɛ Kuoth känädä,

⁴⁷ jɛn Kuoth in käm ɣä juc nath min ci döör la̱th pinydä,

⁴⁸ min ci ɣä kän kä ji̱ tɛ̈rä. Kɛ thuɔ̱k ci ka̱m ni ɣä liak kä ji̱ tɛ̈rä, kä ci ɣä kän kä ji̱ gak gaakni.

⁴⁹ Kɛ kui̱c ɛmɔ bä ji̱ puany rɛy dööri lö Kuoth Nhial, bä ciötdu puany kɛ diit.

⁵⁰ Cɛ juc nath mi di̱i̱t ka̱m kuäärɛ kä cɛ nhök mi thil pek nyuɔ̱th ram in cɛ kuany, cɛ jɛ nyuɔ̱th Dee-bid kɛnɛ kuaykɛ amäni cäŋ kɛl.