Diit 16 - RUAC KUƆTH IN RƐL RƆ

Dit ŋäthä kɛnɛ mal kä Kuoth

(Dit Dee-bid)

¹ Gaŋ ɣä lö Kuoth, kɛ ɣöö ŋa̱a̱thä ni ji̱.

² Kä cua̱ Kuoth Nhial jiök i̱, “Ɛ ji̱n Kuäärä, gɔykä diaal bäkɛ kä ji̱.”

³ Kä ji̱ Kuɔth diaal rɛy rööl, kɛ kɛn nɛy tin tɛth lɔcdä kɛ kɛ.

⁴ Kä nɛy tin ca mɛk ni kuth guääyni rëpkɛ ni rikiɛn. Ɣän /cä kuth tɔ̱tɔ̱ bi ki̱eth riɛm mucnikiɛn, kä /cä bi ruac kɛ ciöötkiɛn.

⁵ Kuoth Nhial ɛ ji̱n la duŋdä mɔ, kä ɛ ji̱n käm ɣä ŋɔak diaal tin göörä mɔ, kä tëkdä tëëkɛ ji̱.

⁶ Gua̱a̱th in ci ka̱m ɣä gɔaaɛ ɛlɔ̱ŋ, kɛ thuɔ̱k kui̱dä gɔaa ni jɛn.

⁷ Ɣän bä Kuoth Nhial in ci ɣä luek liak, kɛ wäär la com lɔcdä ɣä bä.

⁸ La ɣän la̱thä Kuoth Nhial nhiamdä ni ciaŋ, kä kɛ ɣöö tëë tetdä cuëëcdä, thilɛ mi bi ɣä wany.

⁹ Kɛ kui̱c ɛmɔ tɛth lɔcdä kä gɔaaɛ, amäni puɔ̱nydä bä malɛ.

¹⁰ Kɛ ɣöö /ci ɣä bi pa̱l kɔ̱kä kunyä, kä /ci raan ŋäthädu bi jak kä dhiap.

¹¹ Ci ɣä nyuɔ̱th duɔ̱ɔ̱p teekä kä ta̱a̱dä kɛɛl kɛ ji̱, bi ɣä thiäŋ kɛ tɛ̈th lɔaac, tetdä cuëëcdu bä tɛ̈th lɔaac jek thi̱n amäni cäŋ kɛl.