Diit 15 - RUAC KUƆTH IN RƐL RƆ

Ram min go̱o̱r Kuothɛ

(Dit Dee-bid)

¹ Kä ɛŋa mi dëë cieŋ rɛy luaakdu lö Kuoth Nhial? Kä ɛŋa mi dëë cieŋ wi̱i̱ pa̱a̱mdu min rɛl gɔɔydɛ rɔ?

² Kɛ nɛy tin thil bɛ̈ɛ̈l, kä la̱tkɛ ni cuŋ, kä latkɛ ni thuɔ̱ɔ̱k kɛ lo̱ckiɛn,

³ kä /ca naath kueth kɛ lom, kä thilɛ mi jiääk mi la̱tkɛ kä mäthnikiɛn, kä /ca mi jiääk lat kɛ ji̱ thieekädiɛn.

⁴ Kä ba gua̱n nyuɔɔni dhɔ̱l, ba luɔ̱th ni ram mi luth Kuoth Nhial. Kä ba tin ca lar dhil rɔm, ɛ cäŋ bɛ kɛ nöŋ riɛk.

⁵ Kä mi ca duŋdiɛn ka̱n kɛ dën, /ca rëëp yio̱o̱ni bi thiec thi̱n, kä /ca kök bi nhɔk kɛ kui̱ raam mi gäc. Kä nɛy tin la̱tkɛ ŋɔak diaal ti̱ti̱ /ci luthdiɛn bi met thil.