Diit 149 - RUAC KUƆTH IN RƐL RƆ

Liak gɔɔyä Kuɔth kɛ kui̱ ji̱ I-thɛ-rɛl

¹ Liakɛ Kuoth Nhial! Ki̱etdɛ Kuoth Nhial dit mi pay cak, a jɛ liakɛ nhiam dolä nɛɛni tin ŋa̱thkɛ jɛ.

² Kä ɛ I-thɛ-rɛl lɔcdɛ tɛth kɛ Cääkdɛ, kä ɛ gaat Dha-yɔn lo̱ckiɛn tɛth kɛ Kuääriɛn.

³ Liakɛ ciötdɛ ɛ duth, kä pua̱tdɛ jɛ buɔ̱l, kɛ kaaŋni kɛnɛ thuɔmni.

⁴ Kɛ ɣöö Kuoth Nhial gɔaa lɔcdɛ kɛ nɛɛkɛ, kä cɛ ram mi kɔ̱c ka̱m juc nath.

⁵ Kä ɛ ji̱ ŋäthä lo̱ckiɛn tɛth kɛ buɔ̱m, kä akɛ kiɛtkɛ diit tɛthä lɔaac duëlikiɛn.

⁶ Kä akɛ liakɛ Kuoth kɛ jɔw mi di̱i̱t, ɛ te mutnikiɛn ni tetnikiɛn,

⁷ kɛ ɣöö ba döör ben joc, kä ba naath ben tɔ̱ŋ,

⁸ kä ba kua̱rkiɛn yian kɛ ciik, kä ba ruëëckiɛn yian kɛ kuatni ciikni.

⁹ Kä ba luk Kuɔth in cɛ lat nöŋ döör. Mɛmɛ ɛ jɛn juc nɛɛni Kuɔth kɛ naath. Liakɛ Kuoth Nhial!