Diit 141 - RUAC KUƆTH IN RƐL RƆ

Pal kɛ kui̱ ɣɔ̱ɔ̱nä

(Dit Dee-bid)

¹ Aɣ Kuoth Nhial, ɣän cɔalä ni ji̱ bër kä ɣä kɛ pɛ̈th, kä liŋ jɔwdä mi cɔalä ji̱.

² Kä ɛ palä kɛ ji̱ ce̱tnikɛ wäl in kur kur, kä ɛ tar tetnikä nhial ce̱tnikɛ muc thiaŋ.

³ Gaŋ thokdä kä rieet ti jiäk lö Kuoth Nhial, tit thokdä kɛ ɣöö /cä bi duer.

⁴ Kä /cu lɔcdä jakä go̱o̱r mi jiääk, ɛ bä lät ti jiäk la̱t, kɛɛl kɛ ji̱ la̱a̱t jiäkni, /cu ɣä jakä mi̱th kɛɛl kɛ kɛ.

⁵ Ɛ ɣä luëkɛ ɛ gua̱n cuŋni, kä ɛ ɣä luëkɛ ɛ ram mi gɔaa. Duundɛ ɣöö /cä puɔ̱th ji̱ nyuɔɔni bi nhɔk, kɛ ɣöö la palä ni ciaŋ kɛ kui̱ lätnikiɛn tin jiäk.

⁶ Mi wakɛ la̱th tetni nɛɛni tin bikɛ däk, ɛ jɛn bikɛ ruacdä kulɛ ŋa̱c ɔ ɛn ɣöö ɛ thuɔ̱k.

⁷ Ce̱tnikɛ min la pääm a tiathkɛ, kä ba rɔ̱ riaw piny, inɔ bä ca cɔ̱wkɔ riaw kä piny rɛy kɔ̱a̱kni kunyä.

⁸ Duundɛ ɣöö ɣän guiɛcä ni ji̱ lö Kuoth Nhial ni Kuothdä, kɛ ɣöö cä rɔ lua̱k ji̱, /cu ɣä bäny piny baaŋ a thil gääŋ.

⁹ Kän ɣä kä de̱e̱p in ci kɛn ɛ dɛɛpni ɣä, kän ɣä kä de̱e̱p ji̱ la̱a̱t jiäkni.

¹⁰ Ɛ ji̱ nyuɔɔni pɛn ni rɛy cambakädiɛn, ɛ ku kään ni ɣän kä rɔa.