Diit 140 - RUAC KUƆTH IN RƐL RƆ

Pal kɛ kui̱ ga̱ŋ

(Dit Dee-bid)

¹ Luäk ɣä lö Kuoth Nhial kä ji̱ dueeri, kä gaŋ ɣä kä ji̱ ko̱o̱ri,

² nɛy tin carkɛ ni jiäk kɛ lo̱ckiɛn, kä latkɛn ni ko̱o̱ri ni ciaŋ.

³ Kä moth lëëpkiɛn ce̱tnikɛ ka̱c thɔa̱a̱l, kä thiäŋ thukiɛn ɛ liŋ kɛ lueŋ thɔa̱a̱l.

⁴ Ku ɣä gaŋ, lö Kuoth Nhial kä ji̱ nyuɔɔni, kä kän ɣä kä nɛy tin ji̱ köör, tin carkɛ ni däkdä.

⁵ Ci ji̱ liakä ɣä dɛp, cikɛ cambaknikiɛn ɣär, kä cikɛ deepni la̱th dup kɛ kui̱dä.

⁶ Kä cua̱ Kuoth Nhial jiök i̱, “Ɛ ji̱n Kuothdä.” Liŋ palä lö Kuoth Nhial.

⁷ Aɣ Kuoth Nhial ni Kuäärä buɔ̱mdä kä käändä, ji̱n ci ɣä gaŋ rɛy köör.

⁸ /Cu ji̱ nyuɔɔni käm min go̱o̱r kɛn ɛ, kä /cu cärkiɛn tin jiäk jakä wä nhiam.

⁹ Kä nɛy tin ca ɣä göl, cikɛ rɔ̱ jiɛc kä liakɛ rɔ̱ kɛ dhietdä, ɛ ca̱a̱pkiɛn tin jiäk ku loc ni kä kɛ!

¹⁰ Ɛ mac miim mi pɛt pɛn kä kɛ, akɛ pɛn rɛy puɔ̱ɔ̱l mi /cikɛ bi luny raar thi̱n!

¹¹ Kä ɛ nɛy tin tekɛ lom /ca rɔ̱ yiɛth piny ɛn muun ɛmɛ, ɛ da̱k bëë kä ji̱ köör kɛ pɛ̈th!

¹² Ɣän ŋa̱cä jɛ ɛn ɣöö Kuoth Nhial gaŋ ɛ cuɔ̱ɔ̱ŋ nɛɛni tin can, kä kämɛ cuɔ̱ɔ̱ŋ nɛy tin görkɛ duɔ̱ɔ̱r.

¹³ Kä ɛ puc bi nɛy tin tekɛ cuŋ ciötdu liak, kɛn ji̱ cuŋni bikɛ cieŋ ni nhiamdu.