Diit 138 - RUAC KUƆTH IN RƐL RƆ

Dit tɛthä lɔaac

(Dit Dee-bid)

¹ Ɣän bä ji̱ liak lö Kuoth Nhial, kɛ lɔcdä kɛɛliw, bä ji̱ puany kɛ dit nhiam kua̱ri.

² Ɣän bä pal ɛ luɔtdä ni luaakdu min rɛl gɔɔydɛ rɔ, ɣän bä ciötdu liak kɛ kui̱ nho̱kädu kɛnɛ gɔɔydu, kɛ ɣöö ciötdu kɛnɛ ruacdu la̱th wi̱i̱ kä ti diaal.

³ Mɔ cä ji̱ cɔlɔ, la looci ɣä, kä curi ti̱eeydä jakä liakɛ rɔ kɛ buɔ̱m.

⁴ Bi kua̱r wec muɔ̱ɔ̱n diaal ji̱ puany lö Kuoth Nhial, kɛ ɣöö ca ruacdu liŋ.

⁵ Akɛ liakɛ lät Kuɔth Nhial, kɛ ɣöö di̱t buɔ̱m Kuɔth Nhial.

⁶ Cäŋ ni mɔ te Kuoth ni nhialɔ tiitdɛ nɛy tin mua̱l mua̱a̱l, duundɛ ɣöö nɔ̱a̱nɛ kɛ ji̱ liakä.

⁷ Ɛ cäŋ ni mi ja̱lä rɛy rikni mi, curi tëkdä gaŋ, kä curi ɣä kän kä gak ji̱ tɛ̈rä kɛ buɔ̱mdu.

⁸ Bi Kuoth Nhial ɣä lät kä min cɛ la̱r ɣä, kɛ ɣöö nhökdu tëë thi̱n amäni cäŋ kɛl lö Kuoth Nhial. /Cu la̱t tetniku bäny piny.