Diit 136 - RUAC KUƆTH IN RƐL RƆ

La̱t Kuɔth kä ca̱k kɛnɛ cäät

¹ La̱rɛ Kuoth Nhial tɛ̈th lɔaac kɛ ɣöö gɔaaɛ, kɛ ɣöö nhökdɛ min thil pek ɛ do̱raar.

² Lärɛ Kuoth kuthni tɛ̈th lɔaac, kɛ ɣöö nhökdɛ min thil pek ɛ do̱raar.

³ Lärɛ Kuäär kua̱ri tɛ̈th lɔaac, kɛ ɣöö nhökdɛ min thil pek ɛ do̱raar.

⁴ Kuoth kärɔa ɛ jɛn lät ti ga̱ykɛ naath ɔ, kɛ ɣöö nhökdɛ min thil pek ɛ do̱raar.

⁵ Ɛ jɛn ɛn nin lät nhial kɛ ŋäcdɛ, kɛ ɣöö nhökdɛ min thil pek ɛ do̱raar.

⁶ Kä ɛ jɛn lät wi̱c muɔ̱ɔ̱n wi̱i̱ pi̱i̱ni mɔ, kɛ ɣöö nhökdɛ min thil pek ɛ do̱raar.

⁷ Ɛ jɛn lät buay in di̱i̱t ɔ, kɛ ɣöö nhökdɛ min thil pek ɛ do̱raar.

⁸ Ɛ jɛn käm cäŋ ruec ca̱ŋda̱a̱r ɔ, kɛ ɣöö nhökdɛ min thil pek ɛ do̱raar.

⁹ Ɛ jɛn käm pay kɛnɛ kuɛl ruec wa̱r ɔ, kɛ ɣöö nhökdɛ min thil pek ɛ do̱raar.

¹⁰ Kuoth ɛ jɛn mëë näk key gan I-jëp, kɛ ɣöö nhökdɛ min thil pek ɛ do̱raar.

¹¹ Ɛ jɛn ɛ nëë käm ji̱ I-thɛ-rɛl raar rɛydiɛn, kɛ ɣöö nhökdɛ min thil pek ɛ do̱raar.

¹² Cuɛ jɛ la̱t kɛ te̱t mi bum, kɛ ɣöö nhökdɛ min thil pek ɛ do̱raar.

¹³ Ɛ jɛn ɛ nëë dääk pi̱ Bar in Tith däär, kɛ ɣöö nhökdɛ min thil pek ɛ do̱raar.

¹⁴ Cuɛ ji̱ I-thɛ-rɛl jak kä wä kɛ rɛydɛ, kɛ ɣöö nhökdɛ min thil pek ɛ do̱raar.

¹⁵ Kä cuɛ Pɛro kɛnɛ rɛmdɛ yuɔr rɛy Bar in Tith, kɛ ɣöö nhökdɛ min thil pek ɛ do̱raar.

¹⁶ Ɛ jɛn ɛ nëë bo̱o̱th nɛɛkɛ däärdɔaar, kɛ ɣöö nhökdɛ min thil pek ɛ do̱raar.

¹⁷ Kä ɛ jɛn ɛ nëë näk kua̱r tin di̱t, kɛ ɣöö nhökdɛ min thil pek ɛ do̱raar.

¹⁸ Kä cɛ kua̱r tin tekɛ kɛ̈k näk, kɛ ɣöö nhökdɛ min thil pek ɛ do̱raar.

¹⁹ Ɛ jɛn ɛ nëë näk Thi-yon kuäär Ɛ-mor, kɛ ɣöö nhökdɛ min thil pek ɛ do̱raar.

²⁰ Kä ɛ jɛn näk Ög ɔ kuäär Ba-can, kɛ ɣöö nhökdɛ min thil pek ɛ do̱raar.

²¹ Kä cuɛ mundiɛn thöp, kɛ ɣöö nhökdɛ min thil pek ɛ do̱raar.

²² Cuɛ mundiɛn ka̱m ja̱ŋdɛ ni I-thɛ-rɛl, kɛ ɣöö nhökdɛ min thil pek ɛ do̱raar.

²³ Kuoth ɛ jɛn ɛ nëë tiimkɔn mëë ta̱nɛ kɛ rik, kɛ ɣöö nhökdɛ min thil pek ɛ do̱raar.

²⁴ Kä ɛ jɛn ɛ nëë kään kɔn kä ji̱ tɛ̈ran, kɛ ɣöö nhökdɛ min thil pek ɛ do̱raar.

²⁵ Kä ɛ jɛn moc nɛy diaal kɛ mi̱eth ɔ, kɛ ɣöö nhökdɛ min thil pek ɛ do̱raar.

²⁶ La̱rɛ Kuoth puɔ̱rä tɛ̈th lɔaac, kɛ ɣöö nhökdɛ min thil pek ɛ do̱raar.