Diit 130 - RUAC KUƆTH IN RƐL RƆ

Pal ram mi gua̱n dueeri kɛ kui̱ lua̱k

(Dit mi la kiɛtkɛ ɛ nɛy tin la wäkä Jɛ-ru-tha-lɛm mi wäkɛ ti̱mni runä la̱t thi̱n)

¹ Rɛy cucädä ɣän cɔalä ni ji̱ lö Kuoth Nhial.

² Kuäär liŋ jɔwdä! Gäŋni ɣä ji̱thku kä liŋ palä!

³ Kä mi wi̱i̱ dueer tit lö Kuoth Nhial, kä ɛŋa mi bi kään kuäär?

⁴ Duundɛ ɣöö la päli dueer nath, kɛ kui̱c ɛmɔ ba ji̱ luɔ̱th.

⁵ Ɣän bä Kuoth Nhial lip, kä ti̱eeydä liipɛ ni ji̱, kä bä ŋäth ni ruacdu,

⁶ ti̱eeydä liipɛ ni Kuäär kɛ liep mi leny ni liep nɛɛni ti liɛpkɛ runwaŋ. Kɛ liep mi leny ni liep nɛɛni ti liɛpkɛ runwaŋ.

⁷ Lö I-thɛ-rɛl läthni ŋa̱thdu kä Kuoth Nhial! Kɛ ɣöö Kuoth Nhial tëë kɛ nhök mi thil pek, kä tëëkɛ buɔ̱m mi di̱i̱t mi käänɛ naath.

⁸ Kä ɛ jɛn bi I-thɛ-rɛl kän kä dueerkɛ diaal.