Diit 13 - RUAC KUƆTH IN RƐL RƆ

Pal kɛ ŋa̱th kä mi bi ben

(Dit Dee-bid)

¹ Bɛ kulɛ amäni nɛy bi ɣä pa̱l ruëëc ɔ lö Kuoth Nhial? Ɛ bɛ ku mäni cäŋ kɛl? Kä bɛ amäni nɛy bi rɔ tɛ̱̈ɛ̱̈ kɛ ɣä mɔ?

² Kä bɛ amäni nɛy bi tieeydä bɛ̈c bɛ̈ɛ̈c rut rɛydä mɔ? Kä bɛ amäni nɛy bi jiääk lɔaacdä te thi̱n ni ciaŋ ɔ, kɛ cäŋdäär kɛɛliw? Kä bi gua̱n tɛ̈rä rɔ liak kɛ ɣä amäni nɛy?

³ Liŋ ɣä kä loc ɣä lö Kuoth Nhial ni Kuothdä! Moc ɣä kɛ buɔ̱m pua̱a̱ny, kä /cu ɣä jakä bi li̱w.

⁴ Kä a gua̱n tɛ̈rä /ci wee i̱, “Cä jɛ joc kɛ ko̱r”, kä a gua̱n tɛ̈rä ci lɔcdɛ tɛth kɛ kui̱ cucädä.

⁵ Duundɛ ɣöö ɣän ŋa̱a̱thä ni nhökdu min thil pek, kä bi lɔcdä tɛɛth rɛy känädu.

⁶ Ɣän bä kët ni ji̱ diit lö Kuoth Nhial, kɛ ɣöö ci ɣä lät kä mi gɔaa.