Diit 129 - RUAC KUƆTH IN RƐL RƆ

Pal kɛ kui̱ juɔ̱c ji̱ tɛ̈r I-thɛ-rɛl

(Dit mi la kiɛtkɛ ɛ nɛy tëë la wä kä Jɛ-ru-tha-lɛm mi wäkɛ timni runä la̱t thi̱n)

¹ “Cikɛ ɣä moc rik ti ŋuan ni ŋuɛɛtädä.” Ɛ I-thɛ-rɛl lat mɛmɛ i̱,

² “Cikɛ ɣä moc rik ti ŋuan ni ŋuɛɛtädä, duundɛ ɣöö /ken kɛ ɣä luäŋ kɛ tiëm.

³ Ce̱tnikɛ min ca puur bɛɛl piny a to̱o̱k, kɛn cikɛ jɔkdä to̱k, cikɛ jɔkdä moc buɔ̱ɔ̱t ti di̱t.”

⁴ Kä Kuoth Nhial ɛ gua̱n cuŋni, cɛ ɣä lony kä kɛn ji̱ nyuɔɔni.

⁵ Ɛ nɛy diaal tin lökɛ Dha-yɔn luɔckɛ jɔk kɛ pöc.

⁶ Ɛ kɛ ku ce̱tnikɛ juaac ti ci do̱n wi̱i̱ duëël, tin la waŋ ɛ /kenkɛ ni piith,

⁷ tin /ca te̱t ŋeerä dëë thiäŋ kiɛ dëë wuɔ̱ɔ̱k raam in dolkɛ thiäŋ.

⁸ Kä ɛ nɛy tin wä kɛ jɛn gua̱a̱th ɛmɔ /ci wee i̱, “Ɛ puɔ̱th Kuɔth Nhial tekɛ yɛ! Kɔn puɔthkɔ yɛ kɛ ciöt Kuɔth Nhial!”