Diit 128 - RUAC KUƆTH IN RƐL RƆ

Puɔ̱th akɛ ciëŋ mi ŋäth ji̱kɛ Kuoth

(Dit mi la kiɛtkɛ ɛ nɛy tin la wä kä Jɛ-ru-tha-lɛm mi wäkɛ ti̱em runä la̱t thi̱n)

¹ Puɔ̱th akɛ ram mi luth Kuoth Nhial, kä kääp luëëkɛ.

² Bi cam ni min ci la̱t kɛ tetdu, bɛ gɔaa kɛ ji̱ kä bi lɔcdu tɛɛth kɛ jɛ.

³ Kä bi ciekdu ce̱tnikɛ jiath mi kuiir dɛykɛ cieŋdu, kä bi gaatku ce̱tnikɛ kar jiaath Ɔ-lip gekä tokädu.

⁴ Ɛn nɛmɛ ba jɛn puɔ̱th in ba poth ram mi luth Kuoth Nhial.

⁵ Ɛ Kuoth Nhial poth yɛ kä Dha-yɔn. Kä bia gɔɔy Jɛ-ru-tha-lɛm nɛn kɛ pek teekädun kɛɛliw.

⁶ Bia tëk ɛ bia gaat gankun nɛn. Ɛ mal te kä I-thɛ-rɛl!