Diit 125 - RUAC KUƆTH IN RƐL RƆ

Gääŋ ji̱ Kuɔth

(Dit mi la kiɛtkɛ ɛ nɛy tin la wä kä Jɛ-ru-tha-lɛm mi wäkɛ ti̱em runä la̱t thi̱n)

¹ Nɛy tin ŋa̱thkɛ ni Kuoth Nhial ce̱tkɛ nikɛ Päm Dha-yɔn, min /ca dëë woc guäthdɛ amäni cäŋ kɛl.

² Ce̱tkɛ min ci pääm Jɛ-ru-tha-lɛm go̱l, bi Kuoth Nhial nɛɛkɛ ga̱l inɔ, ɛn täämɛ amäni cäŋ kɛl.

³ Kä /ci ji̱ nyuɔɔni bilɛ ruëc muun in te ji̱ cuŋni thi̱n, kɛ ɣöö /ci ji̱ cuŋni ti jiäk bilɛ la̱t.

⁴ Lätni mi gɔaa kä nɛy tin gɔw lö Kuoth Nhial, kɛnɛ nɛy tin luɔ̱thkɛ ŋuɔ̱tku.

⁵ Duundɛ ɣöö mi wi̱i̱ ji̱ nyuɔɔni wä tɔ̱ŋ, tɔ̱ŋ nɛy tin ba̱nykɛ duɔ̱ɔ̱pdu piny. Ɛ mal te kä I-thɛ-rɛl!