Diit 124 - RUAC KUƆTH IN RƐL RƆ

Kuoth gaaŋɛ nɛɛkɛ

(Dit Dee-bid mi la kiɛtkɛ ɛ nɛy tin la wäkä Jɛ-ru-tha-lɛm mi wäkɛ ti̱em runä la̱t thi̱n)

¹ Kä duŋ mi /ken Kuoth Nhial kulɛ te kui̱dan, ɛ ji̱ I-thɛ-rɛl luɔckɛ nɛmɛ.

² Kä duŋ mi /ken Kuoth Nhial kulɛ te kui̱dan, mëë ci ji̱ tɛ̈ran kɔn mak,

³ kɔn roc a tëk, mëë cikɛ ŋɛ̈ɛ̈ny kɛ kɔn.

⁴ Cukɛ kɔn muɔy ce̱tkɛ nyɔc, deekɛ lo̱ny wi̱i̱dan ce̱tnikɛ pi̱w,

⁵ dëë kɔn cu lɔk ce̱tnikɛ lo̱o̱l pi̱i̱ni mi te löny mi di̱i̱t.

⁶ Ɛ puɔ̱th tekɛ Kuoth Nhial min /ken ji̱, tɛ̈ran jakä ɣöö ba kɔn däk.

⁷ Canɛ kään ce̱tnikɛ dit mi ci kään kä dhuur kääkä, ci dhuur tööl canɛ cu kään.

⁸ Luäkdan bëë kä Kuoth Nhial, cääk nhial kɛnɛ piny.