Diit 121 - RUAC KUƆTH IN RƐL RƆ

Luäk Kuɔth ɛ thuɔ̱k

(Dit Dee-bid mi la kiɛt kɛ ɛ nɛy tin la wäkä Jɛ-ru-tha-lɛm mi wäkɛ ti̱em runä la̱t thi̱n)

¹ Ɣän cua̱ wi̱cdä kap nhial guiɛcä wi̱c pa̱a̱m, ku luäkdä lɛ ben nikä?

² Luäkdä bëë kä Kuoth Nhial, min ci Nhial kɛnɛ piny cak.

³ Jɛn /cɛ ji̱ bi jak kä tɛth, ɛn ram in tiit ji̱ /cɛ bi niɛɛn.

⁴ Jɛn ram in tiit I-thɛ-rɛl, jɛn /cɛ bi dɔ̱ɔ̱l kä /cɛ bɛ niɛɛn.

⁵ Kä Kuoth Nhial ɛ gääŋdu, kä jɛn ɛ ti̱eep mi gaŋ ji̱.

⁶ /Ci cäŋ ji̱ bi näk kɛ cäŋdäär, kä /ci pay ji̱ bi näk kɛ wäär.

⁷ Bi Kuoth Nhial ji̱ gaŋ kä jiäk diaal, jɛn bɛ tëkdu tit.

⁸ Bi Kuoth Nhial wädu kɛnɛ lunydu jɔk gaŋ, ɛn täämɛ amäni cäŋ kɛl.