Diit 120 - RUAC KUƆTH IN RƐL RƆ

Pal kɛ kui̱ malä

(Dit mi la kiɛtkɛ ɛ nɛy tin la wä pal luaak Kuɔth kä Jɛ-ru-tha-lɛm mi wäkɛ ti̱em la̱t thi̱n)

¹ Rɛy cucädä ɣän cua̱ Kuoth Nhial cɔl kɛ ɣöö bɛ ɣä luäk, kä jɛn cuɛ ɣä loc,

² cua̱ wee i̱, “Kän ɣä lö Kuoth Nhial kä ji̱ ka̱a̱cni kɛnɛ ji̱ mɛɛtdä.”

³ Yɛn ji̱ ka̱a̱cni kuɛla ŋu mi bi Kuoth ɛ ka̱m yɛ? Kä ɛ tɔ̱ɔ̱ŋ mi ce̱tkɛ ŋu mi bi Kuoth ɛ lät kä ji̱ mɛɛtdä?

⁴ Bɛ yɛ duäc nɛy kɛ bääri gua̱n köör ti muɔth muɔɔth, kɛnɛ mac miim mi leth leth!

⁵ Riɛk akɛ ɣä kɛ ɣöö ciëŋä muun Mɛ-cɛk, ɛ ciëŋä rɛy ji̱ Ke-dhar.

⁶ Ɣän cä cieŋ kɛ gua̱a̱th mi bäär kɛɛl kɛ nɛy ti lökɛ mal.

⁷ Kä ɛ ɣän gua̱n malä, mi cä ruac kɛ kui̱ malä, la latkɛ ni ko̱r.