Diit 114 - RUAC KUƆTH IN RƐL RƆ

Lät Kuoth tin di̱t kɛ ɣöth ji̱ I-thɛ-rɛl

¹ Kä mëë wä ji̱ I-thɛ-rɛl raar kä I-jëp, ɛn dhɔr Je-kɔb mëë bëë raar kä nɛy ti kueckɛ thokdiɛn,

² cu Juda a luak Kuɔth mi rɛl rɔ, kä cu I-thɛ-rɛl a mundɛ mi ruaac ɛ.

³ Kä cu Kir in Tith nɛmɛ nɛn cuɛ rɔ bar, kä cu Kir Jɔr-dɛn loc jɔk.

⁴ Kä cu pääm kuëŋ ce̱tnikɛ rueeth deet, kä cu rët ka̱c ce̱tnikɛ rueeth rɔɔmni.

⁵ Kä ɛŋu mi bari rɔ lö bar? Kä ɛŋu mi lockɛ ji̱ jɔk lö Kir Jɔr-dɛn?

⁶ Kä ɛŋu lö pääm mɔ cuarɛ rɔ̱ yuɔ̱ɔ̱r ce̱tkɛ rueeth deet ɔ? Kä ɛŋu ka̱c rët ce̱tkɛ rueeth rɔɔmni mɔ?

⁷ Ɛ piny kuɛ lath nhiam Kuɔth Nhial, ɛ jɛ lathɛ nhiam Kuɔth Je-kɔb,

⁸ mëë looc pääm ni pul pi̱i̱ni, mëë cu päm mi bum locni waŋ pi̱i̱ni.