Diit 113 - RUAC KUƆTH IN RƐL RƆ

Kuoth ɛ luääk cani

¹ Liakɛ Kuoth Nhial! Liakɛ jɛ lö yɛn ja̱a̱ŋ Kuɔth Nhial, liakɛ ciöt Kuɔth Nhial.

² Ɛ ciöt Kuoth Nhial liakɛ ɛn täämɛ amäni cäŋ kɛ.

³ Ɛ ciöt Kuɔth Nhial liakɛ nikä käny cäŋ amäni kony cäŋ.

⁴ Kuoth Nhial ɛ rueec dööri diaal, kä buɔ̱mdɛ lenyɛ ni pua̱a̱r.

⁵ Kä ɛŋa mi dëë ce̱tkɛ Kuoth Nhial ni Kuothda, min nyuur kɔam kuäärä ni nhial,

⁶ min guicɛ pua̱a̱r kɛnɛ piny tin cɛ cak thi̱n?

⁷ Kä jɛn cɛ can jiɛc rɛy tupä, kä cɛ ga̱y woc rɛy ŋɛthä,

⁸ kɛ ɣöö bɛ kɛ jak kä nyuur kɛɛl kɛ bööth, cikɛ nyuur ni kɛɛl kɛ ruëëc nɛɛnikɛ.

⁹ Kä ciek mi rol jak kä nyuur cieŋdɛ, cɛ jɛ jakä man gan mi tɛ̈th lɔcdɛ. Liakɛ Kuoth Nhial!