Diit 112 - RUAC KUƆTH IN RƐL RƆ

Puɔ̱th raam mi gɔaa

¹ Liakɛ Kuoth Nhial! Tɛ̈th lɔaac akɛ nɛy tin luɔ̱thkɛ Kuoth Nhial, kä görkɛ luëëkɛ ɛlɔ̱ŋ.

² Kä bi kuaykiɛn a nɛy tin bum muun, kä ba kuaay ji̱ cuŋni poth.

³ Kä bi ria̱ŋ te dho̱rikiɛn kä bi cuŋkiɛn te thi̱n amäni cäŋ kɛl.

⁴ Kä la buay ji̱ cuŋni a riaaw rɛy muɔ̱th, kɛ nɛy tin gɔw, kä kɔ̱c lo̱cni kä ji̱ cuŋni.

⁵ Kä bɛ gɔaa kɛ nɛy tin thöpkɛ ŋua̱l kɛ lɔc mi gɔaa, nɛy tin la̱tkɛ lätkiɛn kɛ thuɔ̱k.

⁶ Nɛy ti gɔw thilɛ mi bikɛ wany, bakɛ tim amäni cäŋ kɛl.

⁷ Kä /cikɛ bi dual kɛ thuk ti jiäk, bum lo̱ckiɛn kɛ ɣöö ŋa̱thkɛ ni Kuoth Nhial.

⁸ Bum lo̱ckiɛn, /cikɛ bi dual, kɛ thuɔ̱kdɛ bikɛ gua̱n tɛ̈riɛn nɛn ca joc.

⁹ Kä la tho̱p kɛn nyinkɛ can ni baaŋ, te gɔɔydiɛn thi̱n amäni cäŋ kɛl, kä bikɛ tekɛ buɔ̱m kɛnɛ luth.

¹⁰ Kä bi ji̱ dueeri mɛmɛ nɛn, kä bikɛ gaak, kä bikɛ lɛckiɛn kac kä bikɛ cu riaw, bi min go̱o̱r ji̱ dueeri jɛ cua̱ mi thil luɔt.