Diit 111 - RUAC KUƆTH IN RƐL RƆ

Liak ɛ Kuoth kɛ lätkɛ tin ga̱ykɛ naath

¹ Liakɛ Kuoth Nhial! Ɣän bä Kuoth Nhial la̱r tɛ̈th lɔaac kɛ lɔcdä kɛɛliw, rɛy bunä nɛɛni tin ji̱ cuŋni, rɛy dolä.

² Kä lät Kuɔth Nhial di̱tkɛ ɛlɔ̱ŋ, kä görkɛ ŋäcdiɛn ɛ nɛy tin nhɔakɛ kɛ.

³ Kä tin diaal tin cɛ la̱t thiäŋkɛ kɛ luth kɛnɛ wuɔ̱t, kä gɔɔydɛ tëë thi̱n amäni cäŋ kɛl.

⁴ Kä jɛn cɛ tekɛ kɛ̈k kɛ lätkɛ tin ga̱ykɛ naath, kä jɛn Kuoth Nhial gɔaaɛ kä tëë kɛ kɔ̱a̱c lɔaac.

⁵ Kä jɛn la moocɛ nɛy tin luɔ̱thkɛ jɛ mi̱th, kä jɛn /cɛ mat ruacdɛ la pälɛ ruëëc.

⁶ Kä jɛn cuɛ nɛɛkɛ nyuɔ̱th buɔ̱m lätnikɛ, kɛ ɣöö cɛ nɛɛkɛ thöp wi̱i̱ dööri kɔ̱kiɛn.

⁷ Kä lätkɛ diaal kɛ thuɔ̱ɔ̱k kɛnɛ cuŋ, kä ŋuɔ̱tkɛ diaal tekɛ kɛ luth.

⁸ Bikɛ te thi̱n amäni cäŋ kɛl, kä bakɛ la̱t kɛ thuɔ̱k kɛnɛ cuŋ.

⁹ Kä jɛn cɛ nɛɛkɛ lonyɛ lɔr, kä cɛ mat ruacdɛ jak kä do̱raar. Kä ciötdɛ rɛl gɔɔydɛ rɔ kä luɔ̱thkɛ jɛ.

¹⁰ Kä luth Kuɔth Nhial ɛ jɛn tuk pɛlä, kä nɛy diaal tin ka̱pkɛ luëëkɛ tekɛ ŋäc ŋɔaani mi gɔaa. Kä liakdɛ tëë thi̱n amäni cäŋ kɛl.