Diit 110 - RUAC KUƆTH IN RƐL RƆ

Kuoth Nhial kɛnɛ kuäär in cɛ kuany

(Dit Dee-bid)

¹ Kä cu Kuoth Nhial kuäärä jiök i̱, “Nyuuri kui̱c cuëëcdä, amäni mi wa̱a̱ ji̱ tɛ̈ru jakä te pinydu.”

² Nikä Dha-yɔn bi Kuoth Nhial ruecdu jak kä wä raar. Bikɛ ruac amäni ji̱ tɛ̈ru.

³ Kä bi nɛɛku rɔ̱ ma̱t ji̱, kɛ cäŋ in bi tɛɛr ni ko̱r. Bi ŋuɛ̈tniku ben kä ji̱ wi̱i̱ pa̱a̱m in rɛl gɔɔydɛ rɔ, ce̱tnikɛ thäc ruɔ̱nwaaŋ.

⁴ Kuoth Nhial cɛ rɔɔdɛ yac, kä /cɛ ruacdɛ bi gɛr mëë wëë i̱, “Ɛ ji̱n bo̱o̱th palä mi do̱raar mi ce̱tnikɛ Mal-ki-dhɛ-dɛk.”

⁵ Kä Kuäär ni Kuoth te peek cuëëcdu, jɛn bɛ kua̱r däk kɛ cäŋ gaakdɛ.

⁶ Kä jɛn bɛ döör luk, bɛ kɛ näk rɛy ko̱o̱ri, kä jɛn bɛ kua̱r diaal joc wi̱i̱ muɔ̱ɔ̱n.

⁷ Kä bi kuäär maath ni pi̱i̱ni tin te dup, ɛn wa̱nɔ bɛ cu buɔ̱m ɛ bɛ wi̱cdɛ cu kap ni nhial.