Diit 101 - RUAC KUƆTH IN RƐL RƆ

Laat kua̱r

(Dit Dee-bid)

¹ Ɣän bä diit kɛt kɛ kui̱ nhökdu kɛnɛ wuɔ̱tdu, ɣän bä puany ni ji̱ kɛ diit lö Kuoth Nhial.

² Ɣän bä guɔ̱ɔ̱rni duɔ̱p mi thil bɛ̈ɛ̈l. Bi kulɛ ben kä ɣä i̱ nɛy? Ɣän bä ja̱l rɛy dhɔaarä kɛ lɔc mi thil bɛ̈l,

³ kä thilɛ duɔ̱ɔ̱r mi jiääk mi bä guic. Ɣän lökä lät nɛɛni tin thil ŋa̱th, cikɛ bi räth kä ɣä.

⁴ Kä bi nɛy tin görkɛ lätni kä ti jiäk nɔ̱a̱n kɛ ɣä, thilɛ mi bä la̱t kɛ mi jiääk.

⁵ Kä ram mɔ bi gua̱n thieekädɛ luɔm kɛ tɛ̱̈ɛ̱̈ ɔ, ɣän bä jɛ jak kä bit. Ɣän /cä ram liak rɔ kä guic kacä bi luäŋ kɛ ruɔ̱t.

⁶ Ɣän bä tit ni nɛy tin tekɛ ŋa̱th rɛy wec, kɛ ɣöö deekɛ cieŋ kɛ ɣä kɛɛl. Kä ram ɔ bi ja̱l dup mi thil bɛ̈ɛ̈l ɔ, ɛ jɛn ram min bi la̱tdä la̱t.

⁷ Thilɛ ram mi lat mɛɛt mi bi cieŋ dhɔrä, kä thilɛ gua̱n kacä mi bi ŋot kɛ ben nhiamdä.

⁸ Kä kɛ runwaŋni diaal ɣän bä ji̱ nyuɔɔni diaal tin te rɛy wec däk, bä kɛn la̱a̱t jiäkni diaal tɛ̈m raar rɛy wec Kuɔth Nhial.