Diit 100 - RUAC KUƆTH IN RƐL RƆ

Liakɛ Kuoth yɛn döör diaal

(Dit kɛ lär tɛthä lɔaac)

¹ Ki̱etdɛ Kuoth Nhial diit kɛ rɔal yɛn ji̱ wec muɔ̱ɔ̱n diaal.

² Palɛ Kuoth Nhial kɛ tɛ̈th lɔaac, bia nhiamdɛ kɛ diit.

³ Yɛn ŋa̱cɛ ɣöö Kuoth Nhial ɛ Kuoth, ɛ jɛn ɛ nëë cak kɔn kä kɛ kɔn nyinkɛ. kɛ kɔn nɛɛkɛ ti la detkɛ tin la yienɛ.

⁴ Wiaa thok rɛ̈ɛ̈kdɛ kɛ tɛ̈th lɔaac, wiaa rɛy kalɛ kɛ diit puɔnyä. La̱r ɛ jɛ tɛ̈th lɔaac kä puanyɛ jɛ.

⁵ Kɛ ɣöö Kuoth Nhial gɔaa ɛ, kä nhökdɛ min thil pek tëë thi̱n ala do̱raar, kä ŋa̱thdɛ tëë thi̱n ri̱cni diaal.