Dhɛp 3 - RUAC KUƆTH IN RƐL RƆ

Duer Jɛ-ru-tha-lɛm kɛnɛ luëlɛ

¹ Riɛk akɛ wec in ciɛŋ naath a jiäk kä lät dueer!

² Kä thilɛ ram mi luthɛ, kä lökɛ ɣöö nyuɔ̱thkɛ jɛ duɔ̱ɔ̱r. Kä /cɛ Kuoth Nhial ŋäth, kä /cɛ rɔ thieek kɛ Kuothdɛ.

³ Kä ruëëckɛ kɛ ya̱a̱k wa̱r ti thilɛ mi pa̱lkɛ kɛ kui̱ ruɔ̱nwaaŋ.

⁴ Kä göökɛ thilɛ kɛ ŋa̱th. Kä ci bööth palädɛ min rɛl gɔɔydɛ rɔ yia̱r, kä ca ŋuɔ̱t jak kä nyin köör.

⁵ Kä Kuoth Nhial ɛ cuɔ̱ɔ̱ŋ rɛydɛ, /cɛ duer a lätdɛ. Kä kɛ runwaŋni diaal la latdɛ cuŋ, kä /kenɛ met pa̱k kɛ cäŋ kɛl. Kä ŋotdɛ kui̱c gua̱n dueeri pöc.

⁶ “Ɣän cä döör näk, kä cä wi̱i̱kiɛn däk. Kä cä duɔ̱pkiɛn yia̱r, a bɛ thil ram mi jäl thi̱n. Kä cä wi̱i̱kiɛn däk, a thilɛ ram mi bi cieŋ thi̱n.

⁷ Kä cua car i̱, ‘Bɛ ɣä ku dhil luɔ̱th ɛ puc, a bɛ luek ku dhil liŋ. Kä /ca gua̱th cieŋädɛ bi däk, kä /ci gakdä bi wä kä jɛ.’ Kä tin jiäk diaal tin la̱tkɛ.”

⁸ Kä cu Kuoth Nhial wee i̱, “Kɛ kui̱c ɛmɔ lipä kɛ cäŋ in wa̱a̱ rɔ wä jiɛc ala neen. Kɛ ɣöö ruacdä ɛ ɣöö bä döör ma̱a̱t, kä bä kuääri dol, kä bä waŋ lɔaacdä wuɔ̱ckɛ, kɛ waŋ lɔaacdä bä wi̱c muɔ̱ɔ̱n thuk kɛɛliw.

⁹ “Kä ɛn guäth ɛmɔ, ɣän bä ruac dööri ri̱t, a bɛ la ruac mi gɔaa, kä bi kɛn diaal pal ni ɣä, ɣän kärɔa a thil kuoth mi dɔ̱ŋ.

¹⁰ Ni kui̱ kiɛɛr nikä Kuc nɛy tin palkɛ ɣä, nɛɛkä tin te da̱kla̱a̱tni, ba ɣä nöŋ muc.

¹¹ “Ɛn cäŋ ɛmɔ /ca yɛ bi jak kä po̱c, kɛ kui̱ lätni diaal tëë cia ri̱t ni rɔ̱ kä ɣä. Kɛ ɣöö ɣän bä nɛy tin liakɛ rɔ̱ rɛydun woc, kä /cia rɔ̱ bi lɛ nyɔk kɛ wuɔ̱c kɔɔrä wi̱i̱ pa̱a̱mdä min rɛl gɔɔydɛ rɔ.

¹² Kɛ ɣöö bä cieŋ rɛydun yɛn nɛy ti mua̱l mua̱a̱l ti tekɛ ŋuɔ̱t, ti ba luäk go̱r kä Kuoth Nhial.

¹³ Kä duɔth ji̱ I-thɛ-rɛl tin tëk, /cikɛ bi lɛ duer. Kä /ca kac bi lat, kä /ca mi la kaŋ bi lat. Bikɛ mi̱th kä bikɛ tɔ̱ɔ̱c, kä thilɛ mi bikɛ jak kä dual.”

¹⁴ Tuari lö nya Dha-yɔn. Kä rɔali lö I-thɛ-rɛl! Ŋari kɛ tɛ̈th lɔaac kɛ lɔcdu kɛɛliw lö nya Jɛ-ru-tha-lɛm!

¹⁵ Ci Kuoth Nhial lukdu päl, kä cɛ ji̱ tɛ̈ru luɔc jɔk kä ji̱. Te Kuoth Nhial ni Kuäär I-thɛ-rɛl kɛɛl kɛ ji̱. /Cu lɛ dual kɛ riɛk.

¹⁶ Ɛn cäŋ ɛmɔ ba Jɛ-ru-tha-lɛm jiök i̱, “/Cu dual lö Dha-yɔn kä /cu rɔ lɛ luär.

¹⁷ Te Kuoth Nhial ni Kuoth I-thɛ-rɛl kɛɛl kɛ ji̱, ɛ wääth köör la ŋunɛ juc nath. Kä bi lɔcdɛ tɛɛth rɛydun kä kɛ nhökdɛ bɛ yɛ moc tëk mi pay tuɔɔk. Kä bɛ yɛ puany kɛ jɔw mi di̱i̱t kɛ dit.

¹⁸ Kä kɛ cäŋ ŋarä, ɣän bä da̱k woc rɛydun, kɛ ɣöö /cia riɛkdɛ bilɛ jek.

¹⁹ Nɛ̈nɛ jɛ, ɛn guäth ɛmɔ ɣän bä nɛy tin ciaŋkɛ ji̱ a jiäk duäc, kä bä ruath dɛ̈ɛ̈l kän kä bä pɛ̈ɛ̈c ruɔ̱ɔ̱l, kä bä pöcdiɛn cu jak kä liak, kä bakɛ liak ɛ wi̱c muɔ̱ɔ̱n kɛɛliw.

²⁰ Ɛn cäŋ ɛmɔ bä yɛ nööŋ cieŋ, cäŋ in bä yɛ mat kɛɛl. Ɣän bä yɛ ka̱m liak kɛnɛ luth rɛy nɛɛni diaal wi̱i̱ muɔ̱ɔ̱n, mi wa̱a̱ yɛ wä luɔ̱c baŋkun,” ruac ni ɣän Kuoth Nhial.