Dhɛk 2 - RUAC KUƆTH IN RƐL RƆ

Nyuuth kɛ dep thëm

¹ Ɛ Jɛn min cä waŋdä kap nhial, cua̱ wut mi te tetdɛ kɛ dep thëm nɛn!

² Kä cua̱ thiec i̱, “Kä wi̱i̱nikä?” Kä cuɛ ɣä loc i̱, “Wa̱a̱ thɛm ni Jɛ-ru-tha-lɛm, kɛ ɣöö bä di̱tdɛ kɛnɛ bärɛ ŋa̱c.”

³ Kä cu jääk Kuɔth in ruac kɛ ɣä ben, kä cu jääk dɔ̱diɛn mi bä jɛ ben lor ben,

⁴ kä cuɛ jɛ jiök i̱, “Riŋni kä ŋuɛ̈t ɛ mi, jio̱k ni jɛ i̱, ‘Jɛ-ru-tha-lɛm ba wec mi ba ciɛŋ a thil päny, kɛ ɣöö tëë kɛ nɛy ti ŋuan kɛ ɣɔ̱k ti nyin ŋuan.

⁵ Kä ɣän puɔ̱nydä ba̱a̱ päny maac mi wil jɛ, kä ba̱a̱ gɔɔydiɛn rɛydɛ,’ ruac ni ɣän Kuoth Nhial.”

Cio̱l pɛ̈ɛ̈cni jɔk

⁶ Kä cu Kuoth Nhial wee i̱, “Biakɛ! Biakɛ! Barɛ rɔ̱ muun kuec caam, kɛ ɣöö cä yɛ däkä tuɔ̱ŋni ɣɔaa da̱ŋ ŋuaan.”

⁷ Bia barɛ rɔ̱ yɛn pɛ̈ɛ̈c tin cieŋ kä Bɛ̈-bi-lɔn, lënyɛ rɔ̱ kä Jɛ-ru-tha-lɛm.

⁸ Kä ɛ jɛn min laar Kuoth Nhial in la Ruey Ɣɔaa ɛ, kɛ kɔr kä min cɛ ɣä jäk kä döör tin ca yɛ pɛc, kɛ ɣöö ramɔ ci yɛ nyɔt ɔ cɛ thiap ni ti̱ey waŋdɛ.

⁹ Kä ɣän bäkɛ thiap nikɛ tetdä, kä bi kɛna pɛ̈ɛ̈c nɛɛni tëë la̱tkɛ kɛ ikä. Kä bia cu ŋa̱c ɛn ɣöö jäk ɣä Kuoth Nhial in la Ruey Ɣɔaa.

¹⁰ Kä cu Kuoth Nhial wee i̱, “Rɔali kä a lɔcdu tɛth ji̱n nya Dha-yɔn, kɛ ɣöö ɣän a bëëni, kä bä ben cieŋ rɛydun.

¹¹ Kä ɛn cäŋ ɛmɔ, bi döör ti ŋuan ben kä Kuoth Nhial, kä bi kɛna nɛɛkɛ. Kä bɛ cieŋ rɛydun, kä bia cu ŋa̱c ɛn ɣöö ɛ jɛn jäk ɣä kä yɛ mɔ.

¹² Kä bi Kuoth Nhial Juda ka̱n ala wecdɛ mi rɛl rɔ, kä bɛ Jɛ-ru-tha-lɛm cu nyɔk kɛ mi mɛɛkɛ jɛ.”

¹³ Kä pa̱lɛ rɔ̱ piny nhiam Kuɔth Nhial yɛn nɛy diaal, kɛ ɣöö jɛn a bëëni guäth cieŋädɛ min rɛl gɔɔydɛ rɔ.