Ŋuɔ̱t 23 - RUAC KUƆTH IN RƐL RƆ

Nɛy tin ci dëë wä rɛy dolä nɛɛni Kuɔth

¹ “Thilɛ ram mi ca nhiankɛ kuit kä ca lo̱kdɛ ŋok mi bi wä dolä Kuɔth Nhial.

² “Thilɛ gat läkä mi bi wä dolä Kuɔth Nhial. Cäŋɛ ni ri̱c in wäliɛn, /ci kuaykiɛn bi wä dolä Kuɔth Nhial.

³ “Kä thilɛ raan ji̱ Am-on kiɛ raan ji̱ Mo-ab mi bi coth dolä Kuɔth Nhial. A cäŋ ɛ ri̱c in wäliɛn, thilɛ kuɛ̈ɛ̈diɛn mi bi coth rɛy dolä Kuɔth Nhial mäni cäŋ kɛl.

⁴ Kɛ ɣöö mëë bia raar kä I-jëp /ka̱n yɛ lor kɛ mi̱eth kɛnɛ pi̱, kä cua kɔk ni Bil-am gat Bɛ-or kä Pɛ-tur Mɛ-tho-po-ta-mia kɛ ɣöö bɛ yɛ ben lam.

⁵ Ɛ ni ɣöö /ken Kuoth Nhial Kuothdun Bil-am liŋ. Cuɛ rit ni lamdun ala puɔ̱thdun, kɛ ɣöö Kuoth Nhial Kuothdun nhɔkɛ yɛ.

⁶ Kɛ ni̱n teekädun /cuarɛ gɔɔy kɛnɛ mal go̱r kä kɛ.

⁷ “A lɔcdu ci jiäk kɛ ji̱ The-ir, kɛ gaat muɔɔr, kä cu gak kɛ ji̱ I-jëp, kɛ ɣöö cia kɔn cieŋ muundiɛn.

⁸ Kä kɛ ri̱c in diɔ̱ɔ̱kdiɛn kä gaat gankiɛn tɔ̱ ba dap tɔ̱ ben rɛy dolä Kuɔth Nhial.”

Gɔɔy dhɔaar rɛmni

⁹ “Kä mi cia wä dho̱ri rɛmni ji̱ tɛ̈run, tiɛtdɛ rɔ̱ɔ̱dun kɛ tin diaal tin jiäk.

¹⁰ “Kä mi tëë kɛ raan rɛydun mi ci rɔ ya̱r kɛ läk kɛ wäär, a jɛ te raar rɛy wec.

¹¹ Kɛ thiaŋ bɛ rɔ cu puɔk, kä bɛ cu ben wi̱c mi ci cäŋ kony.

¹² “Bia tekɛ gua̱a̱th raar jɔk wec. Bia cu wä cieŋ thi̱n.

¹³ Kä bia tekɛ taŋ mi bia tɛt ni pul, mi cia thuɔ̱k kɛ wä raar bia jɛ cu mol.

¹⁴ Kɛ ɣöö jäl Kuoth Nhial Kuothdun rɛydun, kɛ ɣöö bɛ yɛ luäk kä bɛ ji̱ tɛ̈run joc nhiamdun, kɛ kui̱ ɛmɔ jakɛ wecdun kä gɔaa ala mi rɛl rɔ. Mi cɛ mi jiääk jek rɛydun derɛ rɔ gik rit.”

Ŋuɔ̱t tin kɔ̱kiɛn

¹⁵ “Kä mi tëë kɛ kuany mi ci rɔ lua̱k ji̱, cu jɛ käm gua̱ndɛ.

¹⁶ A jɛ cieŋ rɛydun, wi̱c in cɛ mɛk i̱ bɛ cieŋ thi̱n wi̱i̱nikun, min nhɔkɛ. Kä /cuarɛ jɛ ciɛŋ ɛ jiäk.

¹⁷ “A jɛ thil raan kiɛ nya I-thɛ-rɛl mi bi rɔɔdɛ Jak kä guäth palä.

¹⁸ Cu nyin lëërä, kiɛ yio̱w lëërä thöp luaak Kuɔth Nhial Kuothdun. Kɛ ɣöö kɛ ti lo̱k Kuoth Nhial Kuothdu.

¹⁹ “Cu dämuɔɔr luel duɔ̱ɔ̱r kɛ rëp, yio̱w kiɛ mi̱eth kiɛ duɔ̱ɔ̱r kä tin la luɛlkɛ.

²⁰ Bi luel ni juɔ̱r lätikä kɛ rëp, dämuɔɔr ciɛ bi la̱t, inɔ bi Kuoth Nhial Kuothdun yɛ poth, kɛ tin diaal tin bia la̱t kɛ tetkun muun in wä yɛn thi̱n kä bia wä ciɛŋ.

²¹ “Kä mi tho̱pi Kuoth Nhial Kuothdu muc yäcä, cu gäl kɛ tho̱pdɛ. A bi Kuoth Nhial Kuothdu ji̱ thiec kɛ jɛ, a ba duer kä ji̱.

²² Kä mi ci tho̱pdɛ päl ala muc yäcä, ci bi tekɛ duer.

²³ Kä tit min ci lar kɛ lɛpdu kɛ nhiam, thöp ni muc yäcädu Kuoth Nhial Kuothdu min ci lar kɛ thokdu.

²⁴ “Mi wi̱i̱ wä rɛy kakä gua̱n thieekädu, mi̱thni a bi ria̱ŋ, duundɛ ɣöö cu duɔ̱ɔ̱r läth rɛy kuakniku.

²⁵ Kä mi wi̱i̱ kɛ rɛy kakä gua̱n thieekädu, töli rɔ wuɔ̱th bɛɛl, kä duundɛ ɣöö cu kɛ tëm kɛ mut.”