Ŋuɔ̱t 15 - RUAC KUƆTH IN RƐL RƆ

Ruɔ̱n in pa̱lkɛ ŋuäl

¹ “Kɛ thuɔ̱k bärɔw runi bi raan ɛ pälikä.

² Kä nɛmɛ ɛ jɛn duɔ̱p in ba lät ni jɛ. Bi gua̱n duɔ̱ɔ̱rä gua̱n thieekädɛ pa̱l min cɛ guäl. Min /cɛ min ca ka̱n ɛ däman bi thiec, kɛ ɣöö ci Kuoth Nhial ɛ lar i̱ ba ji̱ ŋuäli pälikä.

³ Bi thiec ni ram mi juɔ̱r, kä bi mi ca guäl ɛ dämuɔɔr päl.

⁴ Kä /cɛ bi tekɛ can rɛydun (kɛ ɣöö bi Kuoth Nhial Kuothdun yɛ poth muun in cɛ ka̱m yɛ i̱ bia ciɛŋ).

⁵ Kä mi wä yɛn luëëk Kuɔth Nhial Kuothdun ti cä la̱t yɛ ti walɛ, wä luɔ̱th kɛnɛ jɔwdɛ.

⁶ Bɛ yɛ poth ɛn Kuoth Nhial Kuothdu, ce̱tnikɛ mëë cɛ guɔ̱k yɛ. Bia dör ti ŋuan guälikä, kä /cia bi guäl kä kɛ. Kä bi dör ti ŋuan ruac, kä /ca yɛ bi ruac.

⁷ “Kä mi wä rɛydun tekɛ ram mi can kä gaatmuɔɔr rɛy wi̱i̱nikun muun in ci Kuoth Nhial Kuothdun ɛ ka̱m yɛ. Cu tetdu kul, kä a lɔcdu ci col. Kɛ dämuɔɔr mi can,

⁸ täri jɛ tetdu, kä a jɛ kän min go̱o̱rɛ i̱ dërɛ guälɔ.

⁹ Kä tiɛtdɛ jɛ, a lo̱ckun ci bi ca̱r ɛ laar yɛn ɛ i̱, ‘Ci ruɔ̱n in luɔ̱ckɛ naath ŋɔak thi̱n thia̱k, bärɔw runi,’ inɔ ɛ waŋdu ci jiäk kɛ dämuɔɔr mi can, a biɛ dak, ba duer kä ji̱ mi wëë wä wiee kä Kuoth Nhial.

¹⁰ Mocɛ baaŋ, kä cu ŋiɛy kɛ lɔcdu mi moci jɛ. Bi Kuoth Nhial Kuothdu ji̱ poth rɛy lätniku diaal kɛnɛ tin diaal tin ci la̱t.

¹¹ Kɛ ɣöö /ci can dëë mät thuɔ̱k wi̱i̱ muɔ̱ɔ̱n, kɛ kui̱ ɛmɔ, bä ji̱ jiök i̱ täri tetdu dämuɔɔr in can kɛnɛ ram in go̱o̱r duɔ̱ɔ̱r wi̱i̱dun.”

Ciaŋ in ciaŋkɛ kuaany

¹² “Kä mi ɛ wut ji̱ Ɣi-bɛ-ru, kiɛ ciek ji̱ Ɣi-bɛ-ru, ci rɔ kök ji̱ mɔ, bɛ ji̱ lätikä kɛ run bäkɛl, kɛ bärɔwdiɛn bi jɛ pa̱l wä baaŋ.

¹³ Kä mi wëë jiɛɛn kä ji̱, a /ci wä kɛ tetkɛ baaŋ.

¹⁴ Mocɛ rɛy deetku, rɛy kɔmä bɛɛlku, kɛnɛ rɛy kɔaaŋniku. Ce̱tkɛ min ci Kuoth Nhial i̱ poth, mocɛ.

¹⁵ Kä carɛ jɛ ɛn ɣöö ci yɛn kɔnɛ kuaany rööl I-jëp, kä cu Kuoth Nhial yɛ kän. Kɛ kui̱ ɛmɔ la̱tdä yɛ walɛ.

¹⁶ Kä mi wëë jɛ wä lo̱k ɛn kuany, ɛ laar ɛ jɛ i̱, ‘Cä bi jiɛɛn kä ji̱,’ kɛ ɣöö nhɔkɛ ji̱ yɛnɛ ji̱ dhɔaaru, kä nhɔki jɛ.

¹⁷ Käni muut ji̱thni, mut ji̱thdɛ thok duëël, bɛ cua̱ kuany wutdä mäni liaadɛ kä ji̱, kä lätni jɛ kä kuany ciek bä.

¹⁸ Cu jɛ cari bɛc ɛ kä ji̱, mi wi̱i̱ kuanydu wä pa̱l wä baaŋ. Kɛ ɣöö cɛ tha̱a̱ŋ kökä la̱tdɛ la̱t kɛ ji̱ kɛ run bäkɛl. Kä bi Kuoth Nhial Kuothdu ji̱ poth kɛ tin diaal tin ci la̱t.”

Key leeni

¹⁹ “Kä bi key diaal tin tut kä ɣɔ̱ɔ̱ku kɛnɛ detku ley Kuoth Nhial, ci key ɣɔ̱ɔ̱k bi la̱a̱t, kä ci key deet miemkiɛn bi ŋuɔ̱k.

²⁰ Bi cam ni jɛ, yɛnɛ ji̱ dhɔaaru, run kä run nhiam Kuɔth Nhial Kuothdu, guäth in cɛ mɛk.

²¹ Kä mi te puɔ̱nydɛ kɛ gua̱r mi di̱i̱t, ɛ ŋɔl kiɛ cɔr, cu jɛ thöp Kuoth Nhial Kuothdu ala muc.

²² Camɛ jɛ wi̱i̱dun, yɛn diaal tin gɔw kɛnɛ tin jiäk. Ce̱tdɛ kɛ kɛ̈w kɛnɛ pua̱a̱r.

²³ Ɛ ni riɛm kä rɔa /cia bi cam ɔ. Bia wuɔ̱th ni jɛ piny ce̱tkɛ pi̱ wi̱i̱ muɔ̱ɔ̱n.”