A-mɔth 2 - RUAC KUƆTH IN RƐL RƆ

Ji̱ Mo-ab

¹ Nɛmɛ ɛ min lar Kuoth Nhial ɛ, “Kɛ ɣöö ci Mo-ab dueer kööt, /cä riɛkdɛ bi ka̱m thia̱k, kɛ ɣöö cikɛ cɔ̱w kua̱r Ɛ-dɔm waŋ ala ŋɛ̈th.

² Kɛ kui̱ ɛmɔ, bä Mo-ab cua̱th kɛ mac, kä bɛ tiëc Kɛ-ri-yoth ti̱n buɔ̱m buɔ̱ɔ̱m ben pɛt ɛ pɛt, kä bi Mo-ab cu li̱w rɛy rɔlä, rɛy ko̱o̱kä kɛnɛ lul kaaŋä.

³ Bä kuäärɛ näk ni däärɛ, kä bä kua̱r kɔaarɛ näk kɛ jɛ kɛɛl,” ruac ni Kuoth Nhial.

Ji̱ Juda

⁴ Nɛmɛ ɛ min lar Kuoth Nhial ɛ, “Kɛ kui̱ kä ɣöö ci Juda ciaŋ ya̱r ni kä diɔ̱k, ɛpuc, kä ni kä ŋuaan, /cä bi kac jɔk kɛ riɛk in nöŋä kɛ, kɛ ɣöö cikɛ ŋuɔ̱t Kuɔth Nhial dhɔt, kä /ke̱nkɛ lueekɛ käp, kä ci ka̱a̱cni gua̱ni kɛ cu buath jɔ̱ɔ̱r.

⁵ Kɛ kui̱ ɛmɔ, bä mac yuɔr Juda, kä bɛ tiëc Jɛ-ru-tha-lɛm ti̱n buɔ̱m buɔ̱ɔ̱m ben pɛt ɛ pɛt.”

Riɛk ji̱ I-thɛ-rɛl

⁶ Nɛmɛ ɛ min lar Kuoth Nhial ɛ, “Kɛ ɣöö ci I-thɛ-rɛl ciaŋ ya̱r ni kä diaal, /cä riɛkdiɛn bi ka̱m thia̱k, kɛ ɣöö cikɛ ji̱ cuŋni kɔak kɛ go̱r yio̱o̱ni, kä ca ga̱y go̱o̱r ni wa̱a̱ri,

⁷ kɛn dɔany kɛ wuɔ̱th nɛɛni ti̱n ga̱y piny kɛ ciökiɛn, kä penkɛ nɛy ti̱n mua̱l mua̱a̱l cuŋkiɛn, kä wut kɛnɛ gua̱n wäkɛ duëël kɛ nyam kɛl, kɛ ɣöö nɔ cikɛ ciötdä in rɛl rɔ cu lɔth,

⁸ kä tɔ̱ɔ̱ykɛ thäri yi̱kni kuthni baaŋ kɛ bieyni ti̱n ca pɛ̈c kɛ ŋuälkiɛn, kä yɔ̱ŋkɛ rɛy luaak Kuɔthdiɛn kɛ kɔaŋ nɛɛni ti̱n ca mac karaamni.

⁹ “Kä cua ji̱ Ɛ-mor lɛni näk nhiamdiɛn, nɛy tëë päär bäriɛn nikɛ bär ŋuër, kä ce̱t buɔ̱mdiɛn nikɛ buɔ̱m jiaath gilä. Kä cua kɛ däk ni ciökni amäni karkiɛn.

¹⁰ Kä ɣän bä, cä yɛ nööŋ raar muun I-jëp, kä cua yɛ bo̱th däär dɔaar kɛ run ti jiɛn ŋuaan, kɛ ɣöö bia mun ji̱ Ɛ-mor tɔ̱tɔ̱ ben ka̱n.

¹¹ Cua tha̱a̱ŋ gankun jak kä go̱o̱k, kä cua tha̱a̱ŋ ŋuɛ̈tnikun ley rɔ. Ɛ ɣän i̱ /cia nɔmɔ dee luäŋ kɛ ga̱k, kua /ciɛ jɛn lö gaat I-thɛ-rɛl?” ruac ni Kuoth Nhial.

¹² “Kä cia nɛy ti̱n cä ley rɔ jak kä ya̱rkɛ ya̱cdiɛn kɛ yɔ̱ŋ kɔaŋ, kä cia go̱o̱k pen la̱t ruaacni go̱o̱kä.

¹³ Nɛnɛ jɛ, bä yɛ pi̱em piny gua̱thnikun, bia cu cuit ce̱tkɛ thurbil mi ci thia̱a̱ŋ kɛ ɣa̱c bɛɛl.

¹⁴ /Ci pual puaalkun rɔ̱ bi luäŋ kɛ bar, kä bi buɔ̱m buɔ̱ɔ̱mkun thil lua̱ŋ, cäŋɛ ni wääthdun cɛ rɔ bi luäŋ kɛ ka̱n li̱th,

¹⁵ /ci gua̱n kui̱n kueen bi cuɔ̱ŋ, /ci pual puaal rɔ bi luäŋ kɛ ba̱r, amäni gua̱n jöŋköör cɛ rɔ bi luäŋ kɛ le̱ny.

¹⁶ Ɛn cäŋ ɛ mɔ bi bum lɔc kä wäthkun rɔ bar baaŋ a thil bi̱i̱,” ruac ni Kuoth Nhial.