2 Kuɛ̈n 27 - RUAC KUƆTH IN RƐL RƆ

Ruëc Yo-tham

¹ Mëë took Yo-tham ruëc, tëë kɛ run ti jiɛn da̱ŋ rɛw wi̱cdɛ dhieec, kä cuɛ ruëc kä Jɛ-ru-tha-lɛm kɛ run wäl bäkɛl. Kä cɔalkɛ man i̱, Yɛ-ru-ca nya Dha-dok.

² Kä cuɛ la̱t ni cuŋ nhiam Kuɔth Nhial ce̱tnikɛ tëë diaal tëë ci gua̱n ni U-dhi-yaa kɛ la̱t. Kuɛ la ɣöö /kenɛ wä rɛy luaak Kuɔth ce̱tkɛ gua̱n. Kä cu naath ŋot kɛ mi la̱tkɛ ni ti jiäk.

³ Kä cuɛ thi̱i̱k luaak Kuɔth Nhial in te Nhial la̱t, kä cuɛ la̱t mi di̱i̱t lät kä päny O-pɛl.

⁴ Kä cuɛ wi̱i̱ la̱t wi̱i̱ni pa̱a̱m Juda, kä cuɛ ti̱ec kɛ cuut la̱t rɛy ruɔ̱ɔ̱p.

⁵ Kä cuɛ nyiëëny kɛ ji̱ Am-on, kä cuɛ kɛ joc kä cu ji̱ Am-on ɛ ka̱m ciɛk in bo̱r mi tekɛ ki̱luni ti kuɔ̱r kɛl kɛ bathdɔɔri wäl cuali nuɔ̱p, kɛ cuali bɛɛl ti bathdɔɔri wäl ɛn runä nɔmɔ.

⁶ Inɔ cuɛ buɔ̱m, kɛ ɣöö cɛ guɔ̱ɔ̱r ni dup Kuɔth Nhial Kuothdɛ.

⁷ Kä cua duɔth lätnikɛ diaal gɔ̱a̱r rɛy buɔk kua̱ri I-thɛ-rɛl kɛnɛ Juda.

⁸ Mëë tookɛ kuäär tekɛ run ti jiɛn da̱ŋ rɛw wi̱cdɛ dhieec. Kä cuɛ ruëc kä Jɛ-ru-tha-lɛm kɛ run wäl bäkɛl.

⁹ Kä cu Yo-tham li̱w, cukɛ jɛ kony därwec Dee-bid. Kä cu gatdɛ ni A-ɣadh ruëc kɛ gua̱thdɛ.