2 Jɔ̱ɔ̱n 1 - RUAC KUƆTH IN RƐL RƆ

¹ Ɛ ɣän ɛldɛr gɔ̱a̱rä warɛgak ɛmɛ ciek mi ca mɛk, kɛnɛ gaatkɛ, tin nhɔakä rɛy thukä, kä /ciɛ ɣän kärɔa, amäni nɛy diaal tin ŋa̱ckɛ thuɔ̱k bä,

² kɛ kui̱ thukä min te rɛyda, kä bɛ tekɛ kɔ kɛɛl a thil pek.

³ A puɔ̱th kɛnɛ kɔ̱a̱c lɔaac kɛ mat tin bä kä Kuoth in la Gua̱a̱ra kɛnɛ Gatdɛ ni Yecu Kritho tekɛ kɔn rɛy thukä kɛnɛ nhök.

Thuɔ̱k kɛnɛ nhök

⁴ Ci lɔcdä tɛɛth ɛlɔ̱ŋ, mëë cä tha̱a̱ŋ gankun jek guɔ̱ɔ̱rkɛ thuɔ̱k ce̱tkɛ mëë ci Gua̱a̱ra ɛ la̱t kɔn.

⁵ Kä täämɛ, nyimaar, ɣän la̱ŋä ji̱, /cä gɔ̱r ni ji̱ luek mi pay jek, gɔ̱a̱rä ji̱ luek ëë tekɛ kɔn nikɛ nhiam ɛn ɣöö banɛ rɔ nhɔk.

⁶ Nɛmɛ ɛ jɛn nhök, ɛn min guɔ̱ɔ̱rnɛ ce̱tkɛ ruacdɛ min cɛ lat. Kä nɛmɛ ɛ jɛn ruacdɛ, ce̱tkɛ mëë cia jɛ liŋ kɛ nhiam ɛn ɣöö bi yɛn nhök guɔ̱ɔ̱r.

⁷ Cu ji̱ mɛɛtdä ti ŋuan wä raar wi̱i̱ muɔ̱ɔ̱n, kɛn nɛy tin lökɛ ɣöö Yecu Kritho ɛ raan. Ram mi ce̱tkɛ nɔmɔ ɛ gua̱n mɛɛtdä kä ɛ lo̱o̱k Kritho!

⁸ Niɛkɛ rɔ, kɛ ɣöö /ci tin cia la̱t bi bath, kä duundɛ ɣöö bia jek ni muc mi gɔaa kɛɛliw.

⁹ Ram mi bääl ŋi̱i̱c Kritho, thilɛ jɛ Kuoth, kä ram mi guur ŋi̱i̱c Kritho, te Gua̱a̱r in te nhial kɛnɛ Gatdɛ kɛ jɛ.

¹⁰ Mi tëëkɛ ram kɛl mi ci ben kä yɛ, kä /cɛ ŋi̱i̱c ɛmɛ no̱ŋ yɛ, /cuarɛ jɛ nyuur, kä /cuarɛ jɛ nho̱k ben dueel.

¹¹ Kɛ ɣöö ram mi wä jɛ wä nyuɔ̱ɔ̱r, nyuak kɛn ciaaŋdɛ mi jiääk.

Rieet tin jɔak

¹² Cäŋ ta̱a̱ kɛ ti ŋuan ti dëë gɔ̱a̱r yɛ, /ci ɣän ɛ go̱r ɛn ɣöö bä kɛ gɔ̱r kɛ warɛgak kɛnɛ galam. Ɣän göörä ni ɣöö bä yɛ ben gui̱l, kä bä ruac kɛ yɛ a guɛc nɛ rɔ̱, kɛ ɣöö dee tɛ̈th lɔaacdä cu ro̱ŋ.

¹³ Gaat nyimuɔɔrun in ca mɛk nërkɛ yɛ.