1 Tim 5 - RUAC KUƆTH IN RƐL RƆ

Lät kɛ kui̱ ji̱ ŋäthä

¹ /Cu wut mi di̱i̱t yɔ̱r, ruacni kɛ jɛ ce̱tkɛ guur, kä ciɛŋ ŋuɛ̈tni ce̱tkɛ gaatmuɔɔri,

² kä ciɛŋ män tin di̱t ce̱tkɛ muɔɔri, kä ciɛŋ män ti tɔatni ce̱tkɛ nyimuɔɔri rɛy ciɛɛŋä mi wic wic.

³ Luthni män jɔɔkni tin la män jɔɔkni pa̱ny.

⁴ Mi tëëkɛ ciek jɔkä mi tekɛ gaat kiɛ gaat gankɛ akɛ kɔaŋ ŋa̱c ni lät Kuɔthdiɛn kɛ kui̱ dhɔaariɛn, kä akɛ cuɔ̱lkɛ diëëthkiɛn ikä, kɛ ɣöö nɔmɔ nhɔkɛ lɔc Kuɔth.

⁵ Kä ciek jɔkä pa̱ny, min ci duɔth kärɔa, cɛ ŋa̱thdɛ la̱th kä Kuoth, kä ŋotdɛ kɛ wee wä nhiam rɛy thiecni mäni pali kɛ wäär kɛnɛ cäŋdäär.

⁶ Kä ciek jɔkä min ci rɔ ka̱m ŋar cɛ li̱w a cäŋ ŋotdɛ teekä.

⁷ Kä luekɛ kɛ nɛmɛ, kɛ ɣöö dee kɛ cu thil bɛ̈ɛ̈l.

⁸ Mi /ci raan riɛk kɛ watkɛ, kɛnɛ ji̱ dhɔaarɛ pa̱ny, cɛ ŋa̱th jay, kä jiäkni jɛn kä ram mi thil ŋa̱th.

⁹ A thil ciek jɔkä mi ba ciötdɛ gɔ̱r, mi /ken runkɛ cop kä jiɛn bäkɛl, kä ca kuɛn kä kɛɛl.

¹⁰ Kä ba jɛ yi̱k ŋa̱c kɛ gɔɔy lätnikɛ, ce̱tkɛ ram mi ci gaat pith, kä nyuurɛ ja̱a̱l, kä la̱kɛ ciök nɛɛni tin ci Kuoth kɛ lɛy, kä luäkɛ nɛy tin tekɛ rik, kä cɛ rɔɔdɛ la̱th lätni ti gɔw gua̱thni diaal.

¹¹ Kä lo̱k gɔ̱a̱r mään jɔɔkni tin tiɛtni. Kɛ ɣöö mi wäkɛ piith yäämä, ci nɔ̱a̱n kɛ Kritho, kä go̱o̱r kɛn ni kuën,

¹² kä inɔ cikɛ kuëth jek, kɛ ɣöö ca mëë ca lar ɛ kɛn päl.

¹³ Kä a /ciɛ nɔmɔ kärɔa, cikɛ rɔ̱ ŋi̱eec kɛ thil la̱t, jälkɛ, wäkɛ dueelɔ kɛnɛ duelɔ, kä /ciɛ thil la̱t kärɔa, kɛ ji̱ guɛɛri kä cuɔ̱ckɛ ni naath, latkɛ ni min /ca dee lar.

¹⁴ Inɔ nhɔakä ɣöö ba män jɔɔkni tin tɔatni nyɔk kɛ kuën, bikɛ gaat dap, kä bikɛ ciëëŋkiɛn yop, kä bikɛ gua̱n tɛ̈r jakä thil gua̱a̱th mi bɛ lat ni kɔn jɔ̱ɔ̱r.

¹⁵ Kɛ ɣöö ci tha̱a̱ŋkiɛn rɔ̱ ku thuŋ riet kɔɔr Cɛy-tan.

¹⁶ Mi te ciek mi ŋa̱th kɛ watkɛ ti la män jɔɔkni, a jɛ luäk kɛ, a duel Kuɔth /ca moc kɛ riɛk, kɛ ɣöö dee duel Kuɔth luäk ni tin la män jɔɔkni pa̱ny.

¹⁷ Kä a ɛldɛri tin böthkɛ duel Kuɔth, ka̱mkɛ luth mi di̱i̱t nɛy tin latkɛ ni la̱t ruac Kuɔth kɛnɛ ŋi̱i̱c.

¹⁸ Kɛ ɣöö ci ruac Kuɔth ɛ lar i̱, “/Ca thok tha̱a̱k dee kum mi kɔ̱ɔ̱mɛ bɛl,” kä amäni, “Dëë la̱a̱t ka̱m yio̱w la̱tdiɛn.”

¹⁹ /Cu mi ca gɔny ni ɛldɛr nhɔk ɛ ni mi ɛ ruac nëëni da̱ŋ rɛw kiɛ diɔ̱k.

²⁰ Kä kɛ kui̱diɛn kɛn nɛy tin kuɔkɛ rɔ̱ rɛy dui̱rä, luëkɛ kɛ nhiam nɛɛni diaal, kɛ ɣöö bi nɛy tin kɔ̱kiɛn dual.

²¹ Kä ɣän nhiam Kuɔth kɛnɛ Kritho Yecu, kɛ ja̱a̱k nhial tin ca mɛk jiökä ji̱ ɛn ɣöö bi ti̱ti̱ la̱t a thil ram mi nyuthi nhökdu kä kɛ.

²² /Cu yuäl kɛ läth tetni wi̱i̱ ran, kä /cu rɔɔdu mat rɛy dueeri nɛɛni kɔ̱kiɛn. Yop rɔɔdu kɛ ciaaŋ mi wic wic.

²³ /Cu ŋot kɛ ma̱th pi̱i̱ni kärɔ̱, kä math kɔaŋ mi tɔt kɛ kui̱ jiɛcdu kɛnɛ jua̱th tin la ji̱ a ka̱pkɛ ni ciaŋ.

²⁴ Tha̱a̱ŋ nath jɔc dueerkiɛn a /ka̱nkɛ ni naŋ guäth luɔ̱k, kä dueer tha̱a̱ŋ nath bikɛ lɛ lɔ̱ jɔɔc kɛ jɔak.

²⁵ Inɔ bä, lät ti gɔw thia̱k nëndiɛn, kä cäŋɛ kɛn tin /ci jɔc, /cikɛ dee lɛ ŋot a tɛ̱̈ɛ̱̈kɛ kɛ.