1 Tim 3 - RUAC KUƆTH IN RƐL RƆ

Bööth rɛy duëël Kuɔth

¹ Mɛmɛ ɛ ruac mi thuɔ̱k pa̱ny. Ɛn ɣöö mi go̱o̱r raan ɣöö ba bo̱o̱th duëël Kuɔth go̱o̱rɛ ni la̱t mi gɔaa.

² Täämɛ ɛn bo̱o̱th bɛ a ram mi thil bɛ̈l, bɛ kuɛɛn kä kɛɛl, bɛ a ram mi puɔ̱t lɔc, kä te wi̱cdɛ cuŋä, kä luɔ̱thkɛ jɛ ɛ nɛy tin kɔ̱ŋ, kä bɛ ja̱a̱l nyuɔ̱ɔ̱r dhɔrɛ, kä bɛ a ŋi̱i̱c mi ro̱ŋ.

³ Kä /ciɛ yɔ̱ŋ kɔŋä, kä /ciɛ gua̱n gaak, duundɛ ɣöö wuɔ̱t, kä /ciɛ gua̱n rɔlä, kä /ciɛ nho̱o̱k yio̱o̱ni.

⁴ Bɛ gɔlɛ yi̱k yiɛn agɔaa, kä jakɛ gaatkɛ kä kɔ̱c, kä tekɛ luth gua̱thni diaal.

⁵ Kä mi kui̱c raan yiën gɔaalɛ derɛ diɛɛr kɛ duel Kuɔth i̱di?

⁶ Jɛn bo̱o̱th /cɛ bi a ram mi pay rɔ ri̱t, kiɛ bɛ thia̱a̱ŋ kɛ liak, a ba jɛ luk ce̱tkɛ gua̱n jiäkni.

⁷ Kä jɛn ba yi̱k luɔ̱th ɛ nɛy tin te raar, kɛ ɣöö /ca jɛ bi bɛl ɛ nɛy tin kɔ̱ŋ a ba jɛ käp ɛ gua̱n jiäkni.

Bööth ni di̱kɔni

⁸ Bööth ni di̱kɔni bikɛ yi̱k a nɛy ti ji̱ thiɛkä bä, kä /cikɛ bi a nɛy ti wa̱n wa̱a̱n, /cikɛ rɔ̱ bi ka̱m kɔaŋ ɛlɔ̱ŋ, kä /ci lo̱ckiɛn bi di̱t kɛ yio̱w.

⁹ Kɛn bikɛ thuɔ̱k bumä ŋäthä yi̱k käp kɛ ŋäc lɔaac mi jɔc.

¹⁰ Kä akɛ ɣɔ̱a̱nkɛ kɛ nhiam, kä mi ca kɛ jek ala nɛy ti thil bɛ̈l, bakɛ jakä lät ala di̱kɔni.

¹¹ Kä inɔ bä, män bikɛ yi̱k thiak, /cikɛ bi a ji̱ luɔm, kä pua̱tkɛ lo̱ckiɛn kä ŋa̱thkɛ kɛ rɛy ŋɔaani diaal.

¹² A di̱kɔn kuen kä kɛɛl kärɔa, kä akɛ yiankɛ gaatkiɛn kɛnɛ gɔalkiɛn agɔaa.

¹³ Kɛ ɣöö kɛn tin lät agɔaa ala di̱kɔni cikɛ ciaaŋ mi gɔaa jek nhiam nath, kä bikɛ rɔ̱ liak rɛy ŋäthädiɛn min te rɛy Kritho Yecu.

Tɛ̱̈ɛ̱̈ in di̱i̱t

¹⁴ Ɣän göörä ɣöö dëë ŋal ben kä ji̱, kä duundɛ ɣöö gɔ̱a̱rä ji̱ ruaacni ti̱ti̱, kɛ ɣöö

¹⁵ mi bä jääny, bi jɛ ŋa̱c ɛn ɣöö dee raan cieŋ i̱di rɛy gɔaal Kuɔth, min la duel Kuɔth in tëk, min la thi̱r pa̱a̱m kä ro̱o̱m in thuɔ̱k.

¹⁶ A thil diw, min cuääŋ naath rɛy ŋäthädan di̱tdɛ ɛlɔ̱ŋ. Jɛn ca jɛ nyoth rɛy ri̱eŋ, kä tëëkɛ cuɔ̱ɔ̱ŋ rɛy yieekä, ca jɛ nɛn ɛ ja̱a̱k nhial, Ca ciötdɛ lat rɛy Juri, kä ca jɛ ŋäth rɛy ɣɔaa, ca jɛ naŋ nhial rɛy buɔyä.