1 Thɛ 2 - RUAC KUƆTH IN RƐL RƆ

La̱t Puɔl kä Thɛ-tha-lo-ni-ka

¹ Ŋäc pua̱nykun ɛ gaatmaari, ɛn ɣöö /benda kä yɛ /ciɛ baŋ.

² Kä cäŋɛ mëë cakɔ kɔŋ cuuc, kä ciaŋkɛ kɔ kɛ ciaŋ po̱cä kä Pi-li-pi, ce̱tkɛ min ŋäc yɛn ɛ, cuakɔ tekɛ buɔ̱m lɔaac rɛy Kuɔthdan, kɛ ɣöö bakɔ yɛ la̱t thuk Kuɔth ti gɔw cäŋ ni min te löök ti ŋuan thi̱n.

³ Kä thiecda /cɛ no̱o̱ŋ ni kac kiɛ jiääk, kä /cakɔ go̱r ni ɣöö tëëkɛ ram mi ba duäc.

⁴ Kä duundɛ ɣöö lat nɛy thuk ti gɔw kɛ ɣöö ci Kuoth kɔ ka̱m ɣöö bakɛ kɛ lat. Kä mi ruackɔ /ciɛ ɣöö jakɔ ni lo̱c nath kä tɛth, kä ɛ ni ɣöö jakɔ lɔc Kuoth, in la ɣɔ̱n lo̱ckɔn, kä tɛth.

⁵ Kä ce̱tkɛ min ŋäc yɛn ɛ kä Kuoth ɛ neenda, /ken nɛy ben kɛ ruac pɛli kiɛ kɛ ruac go̱rä nyinäkun.

⁶ Kä /ka̱nkɔ liak go̱r kä naath, kä yɛ kiɛ kä nɛy kɔ̱kiɛn,

⁷ a cäŋ mi dëëkɔ naath kok, kɛ ɣöö lapkɔ jaak Kritho. Kä cua kɔ a wutni pa̱ny ti kɔ̱c lo̱ckiɛn rɛydun, ce̱tkɛ ciek in la tiit gaatkɛ.

⁸ Kä täämɛ, kɛ ɣöö cakɔ yɛ nhɔk ɛlɔ̱ŋ, /ka̱nkɔ go̱r ni ɣöö bakɔ nyuak ni thuk Kuɔth ti gɔw kärɔ̱ kɛ yɛ, cakɔ jɛ nyuak bä amäni tëkda kɛ yɛ, kɛ ɣöö ci nhökda di̱t ɛlɔ̱ŋ kɛ yɛ.

⁹ Kä ci yɛn la̱tda kɛnɛ cuɔ̱cda tim gaatmaari, cakɔ lät kɛ wäär kɛnɛ cäŋ, kɛ ɣöö thilɛ ram mi bakɔ moc riɛk gua̱a̱th in lät nɛy yɛ thuk Kuɔth ti gɔw.

¹⁰ Yɛn lapɛ nëën, amäni Kuoth bä, kɛ ɣöö ciaaŋda kä yɛ, yɛn ji̱ ŋäthä, ɛ mi wic wic, kä ɛ cuɔ̱ɔ̱ŋ, kä ɛ mi thil bɛ̈l.

¹¹ Kä ŋäc yɛnɛ ɛn ɣöö cakɔ yɛ ciɛŋ ce̱tkɛ min la gua̱n gan gaatkɛ a yiɛɛn,

¹² cuɔmkɔ yɛ kä buɔ̱mkɔ yɛ, kä läŋ nɛy yɛ, ɛn ɣöö bia tëk kɛ tëk mi ro̱ŋ gɔɔydɛ kɛ Kuoth, min ci yɛ cɔal rɛy kuäärädɛ kɛnɛ buaydɛ.

¹³ Kä bakɔ Kuoth la̱r tɛ̈th lɔaac ni ciaŋ kɛ kui̱ kä nɛmɛ, ɛn ɣöö mi wä yɛn ruac Kuɔth ëë ci yɛn ɛ liŋ kä kɔ jek, /ci yɛn ɛ bi nhɔk ce̱tkɛ ruac nath, kä bi yɛn ɛ nhɔk ala ruac Kuɔth in thuɔ̱k min lät rɛydun, yɛn ji̱ ŋäthä.

¹⁴ Kɛ ɣöö cu yɛn, dämaari, a nɛy ti nyiathkɛ duël Kuɔth rɛy Kritho Yecu tin te kä Ju-dia, kɛ ɣöö cia cuuc kɛ ŋɔaani ti ce̱tkɛ tɔ̱tɔ̱ kä ji̱ röölun te päär kɛ te ruut kɛn kɛ kä ji̱ Juudh.

¹⁵ Cu ji̱ Juudh Kuäär ni Yecu kɛnɛ göök näk, kä cukɛ kɔ juɔc raar. Kä cukɛ Kuoth jakä jiäk lɔcdɛ, kä lo̱k kɛn nɛy diaal,

¹⁶ kä pënkɛ kɔ ruac kɛ Jur, kɛ ɣöö deekɛ kään. Kɛ lätni kä mɛmɛ cɛ naŋ ni dueerkiɛn ni peekdiɛn. Kä kɛ jɔak cu waŋ lɔaac Kuɔth cu ben kä kɛ.

Gör Puɔl kɛ nyɔak guel ji̱ Thɛ-tha-lo-ni-ka

¹⁷ Kä kɛ kui̱da dämaari, mëë cakɔ da̱a̱k kɛ yɛ kɛ gua̱a̱th mi tɔt a /ci mɔ a ca̱ra duundɛ ɣöö kɛ puɔ̱ny, cakɔ jɛ go̱r ɛlɔ̱ŋ ɛn ɣöö dëëkɔ yɛ nyɔk kɛ nën a guic kɔn rɔ̱.

¹⁸ Kä cuakɔ jɛ go̱r ɛn ɣöö bakɔ ben kä yɛ, ce̱tkɛ ɣän Puɔl cua jɛ go̱r i̱ bä rɔ nyɔk kɛ ben nikä ti nyin ŋuan, kä duundɛ ɣöö ci Cɛy-tan rɔ ga̱k dupda.

¹⁹ Kä ɛŋu la ŋa̱th lɔaacda kiɛ nhök lɔaacda, kiɛ luɔt liakäda nhiam Kua̱ran ni Yecu kɛ cäŋ benädɛ? /Cikɛ yɛn?

²⁰ Kɛ thuɔ̱k kɛ yɛn liakda kɛnɛ tɛ̈th lɔaacda.