1 Kuɛ̈n 7 - RUAC KUƆTH IN RƐL RƆ

Gaat Yi-tha-kar

¹ Kä cu gaat Yi-tha-kar a Tolä kɛnɛ Puwaa kɛ Ya-cub kɛnɛ Cim-rɔn.

² Kä gaat Tolä ɛ Udhi kɛnɛ Rɛ-pa-yaa kɛ Yɛ-ri-el kɛ Ya-may kɛnɛ Yib-tham kɛ Cɛ-mu-el. Cukɛ a bööth thuɔk duëël Tolä ti ji̱ ko̱o̱r kä ri̱cdiɛn, pëkdiɛn mëë ruec ni Dee-bid, kɛ nɛy ti bathdɔɔri ti jiɛɛn da̱ŋ rɛw wi̱cdɛ rɛw wi̱cdɛ kur bäkɛl.

³ Kä cu gat Udhi a Yidh-rɛ̈k-yaa. Kä cu Yidh-rɛ̈k-yaa tekɛ gaat ŋuaan. Mi-ka-el kɛnɛ O-bad-yaa kɛ Yo-el kɛnɛ Yi-ci-yaa, kɛn diaal kɛ bööth.

⁴ Kɛ thuk duëlikiɛn cukɛ a nɛy ti bathdɔɔri ti jiɛɛn diɔ̱k wi̱cdɛ bäkɛl ti lua̱ŋkɛ ko̱r kɛ ɣöö tekɛ män ti ŋuan kɛnɛ gaat ti ŋuan.

⁵ Kä cu pek nɛɛni diaal tin ca gɔ̱r thok duëël Yi-tha-kar tin lua̱ŋkɛ ko̱r a nɛy ti bathdɔɔri ti jiɛɛn bädäk wi̱cdɛ bärɔw.

Gaat Ben-ya-min kɛnɛ Dan

⁶ Kä cu gaat Ben-ya-min a Bɛlä kɛnɛ Bɛ-kɛr kɛ Yɛ-di-ä-el.

⁷ Kä cu gaat Bɛlä a Ɛdh-bɔn kɛnɛ Udhi kɛ U-dhi-el kɛnɛ Yɛ-ri-moth kɛ Iri. Kä cukɛ a kɛn bööth thukni duëli, kä cu nɛy tin ca gɔ̱r a nɛy ti bathdɔɔri ti jiɛɛn rɛw wi̱cdɛ rɛw wi̱cdɛ jiɛɛn diɔ̱k wi̱cdɛ ŋuaan ti lua̱ŋkɛ ko̱r.

⁸ Kä cu gaat Bɛ-kɛr a Dhɛ-mi-raa kɛnɛ Yo-ac kɛ Ɛ-li-dhɛr kɛnɛ Ɛl-yo-ɛ-nay, kɛ Ɔmri kɛnɛ Yi-re-moth kɛ Ä-bi-yaa kɛnɛ Ä-na-thoth kɛ A-lɛ-mɛth.

⁹ Kä cu pekdiɛn ëë ca gɔ̱r kɛnɛ bööth thuk duëli kä ji̱ ko̱o̱r a nɛy ti bathdɔɔri ti jiɛn da̱ŋ rɛw wi̱cdɛ kur da̱ŋ rɛw.

¹⁰ Kä cu gat Yɛ-di-ä-el a Bi-lan kä cu gaat Bi-lan a Yuc kɛnɛ Ben-ya-min kɛ E-ɣud kɛnɛ Kɛ-nɛ̈ɛ̈-naa kɛ Dhe-than kɛnɛ Tar-cic kɛ Ä-ɣi-caar.

¹¹ Kɛn gaat Yɛ-di-ä-el ti̱ti̱ kɛ bööth thuk duëli. Kä cu pekdiɛn a nɛy ti bathdɔɔri wäl bärɔw wi̱cdɛ kur rɛw ti lua̱ŋkɛ ko̱r.

¹² Kä cu Cu-pim kɛnɛ U-pim a gaat Ir, kä cu U-cim a gat Ɛ̈-ɣer.

Gaat Nap-ta-li

¹³ Kä cu gaat Nap-ta-li a Ya-dhi-el kɛnɛ Guni kɛ Ye-dhɛr kɛnɛ Cɛ̈-lum, kuay Bila.

Gaat Ma-na-thɛ

¹⁴ Kä cu gaat Ma-na-thɛ a A-thi-rel mëë dapkɛ luɔɔmdɛ min mɔ nya rööl Ä-ram, kä cuɛ Ma-kir min la gua̱n Gil-yad dap bä.

¹⁵ Kä cu Ma-kir U-pim kɛnɛ Cu-pim kuen män. Kä cɔalkɛ nyiman i̱ Maakaa. Kä cɔalkɛ gatdɛ min dɔ̱ŋ i̱ Dhɛ-lɔ-pɛ-ɣadh kä cu Dhɛ-lɔ-pɛ-ɣadh di̱eth ni nyi̱er.

¹⁶ Kä cu ciek Ma-kir ni Maakaa dap kɛ gaat da̱ŋ rɛw, Pɛ-rɛc kɛnɛ Cɛ-rɛc. Kä cu gaat Pɛ-rɛc a U-lam kɛnɛ Rɛ-kɛm.

¹⁷ Kä cu gat U-lam a Bɛ-dan. Cu kɛn ti diaal ti̱ti̱ a gaat Gil-yad gat Ma-kir gat Ma-na-thɛ.

¹⁸ Kä cu nyiman ni Ɣɛ̈-mo-lɛ-kɛth dap kɛ gaat diɔ̱k. Ic-ɣod kɛnɛ Ä-bi-ɛ-dhɛr kɛ Maɣ-la.

¹⁹ Kä cu gaat Cɛ-mi-dhä a Ak-yan kɛnɛ Cɛ-kɛm kɛ Li-ki kɛnɛ Ä-ni-yam.

Gaat Ɛ-pa-rim

²⁰ Kä cu gaat Ɛ-pa-rim a Cu-tha-lɛ̈k kɛnɛ Ba-rɛd kɛ Tɛ̈-ɣɛ̈th kɛnɛ Ɛl-a-daa kɛ Tɛ̈-ɣɛ̈th.

²¹ Kɛ Dha-bad kɛnɛ Cu-tha-lɛ̈k, kɛ E-dhɛr kɛnɛ Ɛl-ad tëë ca näk mëë ɛ kɛn i̱ wa ɣɔ̱k ji̱ Gɛ̈th pɛc.

²² Kä cu gua̱ndiɛn ni Ɛ-pa-rim kɛ par kɛ ni̱n ti ŋuan, kä cu ji̱ maarädɛ jɛ ben com.

²³ Kä cu Ɛ-pa-rim tɔ̱ɔ̱c kɛ ciekdɛ, kä cuɛ ruët, cuɛ dap kɛ gat. Kä cuɛ ciötdɛ cɔli Bɛ-ri-ya, kɛ ɣöö ɛ jɛn i̱ ci jiääk ben dhɔrɛ.

²⁴ Kä cu nyadɛ a Cɛɛraa mëë tääth wec Piɛny kɛnɛ wec Nhial Beth-o-ron amäni U-dhen-cɛɛ-raa.

²⁵ Kä cu Ɛ-pa-rim tekɛ gat mi cɔali Rɛpa kɛnɛ Rɛ-cɛp kɛ Tɛ-lɛ̈k kɛ Tɛ̈-ɣɛ̈n,

²⁶ kɛ La-dan kɛnɛ A-mi-ɣud kɛ Ɛli-cama,

²⁷ kɛ Nun kɛnɛ Jɔ-cua.

²⁸ Kä cu wi̱i̱ tëë ciaŋkɛ a Beth-ɛl kɛnɛ cieŋkɛ, ɛ räth ni kui̱ känyä ca̱ŋ kä Nä-ran a wä ni kui̱ konyä ca̱ŋ kä Gɛ-dhɛr kɛnɛ wi̱i̱kɛ, kɛ Cɛ-kɛm kɛnɛ wi̱i̱kɛ, cu mäni A-yaa kɛnɛ wi̱i̱kɛ.

²⁹ Kä cuɛ lɛ ka̱n këth ji̱ Ma-na-thɛ kä Beth-can kɛ cieŋkɛ kɛ Ta-nak kɛ ciëëŋke, kɛ Mɛ-gi-do kɛ ciëëŋkɛ, kɛ Dor kɛ ciëëŋkɛ. Kɛn wi̱i̱ tɔ̱tɔ̱ cu cieŋ ni gaat Jo-thɛp gat Je-kɔb thi̱n.

Gaat A-cɛr

³⁰ Kä cu gaat A-cɛr a Yim-naa kɛnɛ Ic-waa kɛ Ic-wi kɛ Bɛ-ri-ya kɛ nyimandiɛn ni Thɛra.

³¹ Kä cu gaat Bɛ-ri-ya a Ɣɛ-bɛr kɛnɛ Mal-ki-yel. Kä cu Mal-ki-yel la gua̱n Bir-dha-with.

³² Kä cu Ɣɛ-bɛr la gua̱n Yap-let kɛnɛ Co-mer kɛ Ɣo-tham kɛ nyimandiɛn ni Cuä.

³³ Kä cu gaat Yap-let a Pa-thɛ̈k kɛnɛ Bim-ɣal kɛ Ɛ̈c-wath.

³⁴ Kä cu gaat däman ni Cɛ-mɛr a Rɔ-gaa kɛnɛ Ɣu-baa kɛnɛ Ä-ram.

³⁵ Kä cu gaat däman ni Ɣe-lɛm a Dho-pɛ̈k kɛnɛ Yim-na kɛ Ce-lɛc kɛnɛ A-mal.

³⁶ Kä cu gaat Dho-pɛ̈k a Thu-ɛ̈k kɛnɛ Ɣar-nɛ-pɛr kɛ Cu-al kɛnɛ Beri kɛ Yim-raa,

³⁷ kɛ Bɛ-dhɛr kɛnɛ Ɣod kɛ, Cama kɛnɛ Cil-caa kɛ Ith-ran kɛnɛ Bera.

³⁸ Kä cu gaat Yɛ-thɛr a Yɛ-pö-nɛ kɛnɛ Pith-paa kɛ Ɛra.

³⁹ Kä cu gaat Ula a Araa kɛnɛ Ɣa-ni-el kɛ Ridh-yaa.

⁴⁰ Kɛn nɛy ti diaal ti̱ti̱ kɛ gaat A-cɛr tin la bööth thuk duëli ti lua̱ŋkɛ ko̱r. Kä cu pëkdiɛn in ca gɔ̱r a nɛy ti bathdɔɔri ti jiɛn da̱ŋ rɛw wi̱cdɛ bäkɛl.