1 Kuɛ̈n 27 - RUAC KUƆTH IN RƐL RƆ

Bun rɛmni

¹ Ti̱ti̱ kɛ ciööt ji̱ I-thɛ-rɛl, tin la bööth thuk duëli, kɛ bööth ki̱thni kɛnɛ bööth kuri, kɛ bööth kiɛn tin la̱tkɛ kuäär kä ti diaal ce̱tnikɛ bun rɛ̈m tin la lät kɛ pay kɛ ruɔ̱n kɛɛliw. Te buɔ̱nɔ kɛ nɛy ti bathdɔɔri ti jiɛn da̱ŋ rɛw wi̱cdɛ ŋuaan.

² Kä cu Ya-cɔ-bam gat Dhab-di-yel a bo̱o̱th bunä min nhiam kɛ pay in nhiam. Kä cu buɔ̱ndɛ tekɛ nɛy ti bathdɔɔri ti jiɛn da̱ŋ rɛw wi̱cdɛ ŋuaan.

³ Kä jɛn ɛ gat Pɛ-rɛdh, kä cua kuäär bööthni rɛmni diaal kɛ pay in nhiam.

⁴ Kä cu Do-day gat Ä-ɣo-ɣi a bo̱o̱th bunä kɛ pay in rɛwdɛ. Kä cu Mik-loth a bo̱o̱th bunädɛ. Kä cu ka nɛy ti bathdɔɔri ti jiɛn da̱ŋ rɛw wi̱cdɛ ŋuaan.

⁵ Kä cu bo̱o̱th diɔ̱ɔ̱k buni kɛ diɔ̱ɔ̱k päthni a Bɛ-na-yaa gat bo̱o̱th palä ni Yɛ-ɣo-ya-da. Kä cu buɔ̱ndɛ tekɛ nɛy ti bathdɔɔri ti jiɛn da̱ŋ rɛw wi̱cdɛ ŋuaan.

⁶ Ɛ jɛn Bɛ-na-yaa mëë la ram kɛl kä nɛy ti buɔ̱m buɔ̱ɔ̱m ti jiɛn diɔ̱k kä ɛ bo̱o̱thdiɛn. Kä cu gatdɛ ni A-mi-dha-bad a bo̱o̱th bunädɛ.

⁷ Kä cu ŋuaan nath kɛ ŋuaan päthni a Ä-tha-el däman Yo-ab kä cu gatdɛ ni Dhɛ-bɛ̈d-yaa ɛ guɔ̱ɔ̱r. Kä cu buɔ̱ndɛ tekɛ nɛy ti bathdɔɔri ti jiɛn da̱ŋ rɛw wi̱cdɛ ŋuaan.

⁸ Kä cu dhieec nath kɛ dhieec päthni a bo̱o̱th rɛ̈m ni Cɛ̈m-ɣuth gat Yidh-ra. Kä cu buɔ̱ndɛ tekɛ nɛy ti bathdɔɔri ti jiɛn da̱ŋ rɛw wi̱cdɛ ŋuaan.

⁹ Kä cu bäkɛl nath kɛ bäkɛl päthni a Ira gat I-kec raan wec Tɛ-kowä. Kä cu buɔ̱ndɛ tekɛ nɛy ti bathdɔɔri ti jiɛn da̱ŋ rɛw wi̱cdɛ ŋuaan.

¹⁰ Kä cu bärɔw nath kɛ bärɔw päthni, a Ɣɛ-ledh wec Pɛ-lon kä gaat Ɛ-pa-rim. Kä cu buɔ̱ndɛ tekɛ nɛy ti bathdɔɔri ti jiɛn da̱ŋ rɛw wi̱cdɛ ŋuaan.

¹¹ Kä cu bädäk nath kɛ bädäk päthni a Thi-bɛ-kay raan Ɣu-cay kä Dhɛra. Kä cu buɔ̱ndɛ tekɛ nɛy ti bathdɔɔri ti jiɛn da̱ŋ rɛw wi̱cdɛ ŋuaan.

¹² Kä cu bäŋuan nath kɛ bäŋuan päthni a Ä-bi-ɛ-dhɛr kä Ä-na-thoth, raan Ben-ya-min. Kä cu buɔ̱ndɛ tekɛ nɛy ti bathdɔɔri ti jiɛn da̱ŋ rɛw wi̱cdɛ ŋuaan.

¹³ Kä cu wäl nath kɛ wäl päthni a Mɛ̈-ɣɛ-ray raan ji̱ Nɛ-to-paa, wi̱c kä Dhɛra. Kä cu buɔ̱ndɛ tekɛ nɛy ti bathdɔɔri ti jiɛn da̱ŋ rɛw wi̱cdɛ ŋuaan.

¹⁴ Kä cu wälkɛl nath kɛ wälkɛl päthni a Bɛ-na-yaa raan Pi-ra-thon, kä Ɛ-pa-rim. Kä cu buɔ̱ndɛ tekɛ nɛy ti ki̱thni ti jiɛn da̱ŋ rɛw wi̱cdɛ ŋuaan.

¹⁵ Kä cu wälrɛw nath kɛ wälrɛw päthni a Ɣɛl-day raan ji̱ Nɛ-to-paa wi̱c kä Ɔ-thi-nel. Kä cu buɔ̱ndɛ tekɛ nɛy te ki̱thni ti jiɛn da̱ŋ rɛw wi̱cdɛ ŋuaan.

Bööth thukni duëli

¹⁶ Bööth thukni duëli kä I-thɛ-rɛl, kä thok duëël Rɛ-u-ben. Cua Ɛ-li-dhɛr gat Dhik-ri. Thok duëël Cim-on cua cɛ Cɛ-pɛ̈t-yaa gat Maakaa.

¹⁷ Thok duëël Lii-bay cua Ɣä-cɛ̈b-yaa gat Kɛ-mu-ɛl. Thok duëël Ä-ron cua Dha-dok.

¹⁸ Thok duëël Juda cua Ɛ-liɣu däman Dee-bid. Thok duëël Yi-tha-kar cua Ɔmri gat Mi-ka-el.

¹⁹ Thok duëël Dhɛ-bu-lun cua Yic-ma-yaa gat O-bad-yaa. Thok duëël Nap-ta-li cua Yɛ-ri-moth gat Ɛ̈dh-ri-el.

²⁰ Thok duëël Ɛ-pa-rim cua Ɣo-ce-ya gat Ä-dhɛ̈dh-yaa. Thok duëël tha̱a̱ŋ thuɔk duëël Ma-na-thɛ cua Yo-el gat Pɛ-da-yaa.

²¹ Thok duëël tha̱a̱ŋ thuɔk duëël Ma-na-thɛ tin te kä Gil-yad. Cua Ido gat Dhɛ-kar-yaa. Thok duëël Ben-ya-min cua, Yä-thi-el gat Ä-bi-ner.

²² Thok duëël Daan cua Ä-dhar-el gat Yɛ-ro-ɣaam. Kɛn ti̱ti̱ cu ka kɛn bööth thukni duëli kä I-thɛ-rɛl.

²³ Kä /ken Dee-bid nɛy tin runkiɛn jiɛn da̱ŋ rɛw a wä piny kuɛn, kɛ ɣöö ci Kuoth Nhial ɛ lar i̱ bɛ ji̱ I-thɛ-rɛl jak kä ŋuan ce̱tnikɛ kuɛl nhial.

²⁴ Kä cu Yo-ab gat Dhɛ-ru-yaa kuën nath tok. Duundɛ ɣöö /kenɛ kɛ thuk kɛ kuën. Kä cu kɛ̈c Kuɔth ben kä ji̱ I-thɛ-rɛl kɛ kui̱ kuenä nɔmɔ, kä /ka̱n pek nɛɛni diaal gɔ̱a̱r rɛy buɔk gɔ̱rä kua̱r ni Dee-bid.

Ti̱eet kuakni kua̱r

²⁵ Kä cu ti̱i̱t yio̱o̱ni kua̱r a Ɛ̈dh-ma-wɛth gat Ä-di-el. Kä cu Jo-na-than gat U-dhi-yaa a ti̱i̱t yio̱o̱ni rɛ̈y ciëëŋni kɛnɛ rɛ̈k kɛ wi̱i̱ tin te raar kɛ biɛɛni.

²⁶ Kä cu Ɛdh-ri gat Kɛ-lub a ti̱i̱t nɛɛni ti puɔ̱rkɛ ka̱a̱k kä piɛthkɛ kɛ.

²⁷ Kä cu Cimi raan Rama a ti̱i̱t ka̱a̱kni wal kɛ kui̱ kɔaŋ. Kä cu Dhab-di raan Cip a ti̱i̱t ka̱a̱kni wal kɛ kui̱ kɔaŋ dɛɛni.

²⁸ Kä cu Baal-ɣa-nan raan Gɛ-dɛr a ti̱i̱t jiɛn Ɔ-lip kɛnɛ nyuɔ̱m kɛ jiɛn thëëp tin te kui̱ konyä ca̱ŋ thäri päämni. Kä cu Yo-ac a ti̱i̱t liɛth Ɔ-lip.

²⁹ Kä cu Cit-ray raan wec Ca-ron a ti̱i̱t ɣɔ̱ɔ̱k tin läk rɛy tɔ̱ɔ̱rä Ca-ron. Kä cu Ca-pat gat Ɛ̈d-lay a ti̱i̱t ɣɔ̱ɔ̱k tin läk rɛy lo̱o̱lä.

³⁰ Kä cu O-bil raan I-ca-mel a ti̱i̱t thɔ̱a̱rɔa̱a̱li. Kä cu Yɛ-dɛ-yaa raan wec Me-ro-noth a ti̱i̱t muɔ̱li.

³¹ Kä cu Ya-dhidh raan wec Ɣɛ̈g-ri a ti̱i̱t deet. Kɛn ti̱ti̱ diaal cu ka bööth ti̱eet kuakni kua̱r ni Dee-bid.

Luëëk Dee-bid

³² Cu Jo-na-than gua̱nlen kua̱r ni Dee-bid a lueek mi tëë ŋäc ŋɔaani mi di̱t. Kä cu Yɛ-ɣe-li gat Ɣak-mo-ni gaat kua̱r tit.

³³ Kä cu Ä-ɣi-tho-pɛl a lueek kua̱r. Kä cu Ɣu-cay raan wec A-rɛk a määth kua̱r.

³⁴ Kä cua Ä-ɣi-tho-pɛl gua̱a̱thdɛ guäl ɛ Yɛ-ɣo-ya-da gat Bɛ-na-yaa kɛnɛ Ɛb-ya-thar. Kä cu Yo-ab a bo̱o̱th rɛ̈m kua̱r.