1 Kuɛ̈n 25 - RUAC KUƆTH IN RƐL RƆ

Këët din luaak Kuɔth

¹ Kä cu Dee-bid kɛnɛ bööth lätni tha̱a̱ŋ gan A-thap kɛnɛ Ɣe-man kɛ Yɛ-du-thun kuany kɛ ɣöö bikɛ la̱t palä böth kɛ thuɔmni. Kä nɛy tëë cu la̱t ɛmɔ la̱t ciöötkiɛn tin,

² Kä gaat A-thap cua Dha-kur kɛnɛ Jo-thɛp kɛ Nɛ-thɛ̈n-yaa kɛ Ä-thar-e-laa. Kä cua kɛ böth ɛ A-thap min lät kɛ ruac kua̱r.

³ Kä gaat Yɛ-du-thun, cua Gɛ-dɛ̈l-yaa kɛnɛ Dhɛri kɛ Yɛ-cɛ̈-yaa kɛ Cimi kɛ Yä-cɛ̈b-yaa kɛnɛ Mɛ̈-tith-yaa. Kä cua kɛ böth ɛ gua̱ndiɛn ni Yɛ-du-thun min la puɔ̱ɔ̱t thuɔm kɛ kui̱ puɔnyä Kuɔth Nhial.

⁴ Kä gaat Ɣe-man, cua Bu-ki-yaa kɛnɛ Mɛ̈-tɛ̈n-yaa kɛ U-dhi-el kɛnɛ Cɛ-bu-el kɛ Yɛ-ri-moth kɛnɛ Ɣä-nɛ̈n-yaa kɛ Ɣä-na-ni kɛnɛ Ɛ-li-a-thaa kɛ Gi-dɛ̈l-ti kɛnɛ Ro-mɛ̈m-ti-ɛ-dhɛr kɛ Yɔc-bɛ-ka-caa kɛnɛ Mɛ̈-lo-thi kɛ Ɣo-thir kɛnɛ Mɛ̈-ɣä-dhi-oth.

⁵ Cu Kuoth Ɣe-man gök kua̱r ka̱m dhɔɔl da̱ŋ wäl ŋuaan ti̱ti̱ kɛ nyi̱er diɔ̱k ce̱tkɛ mëë cɛ lar kɛ ɣöö ba jɛ liak.

⁶ Kɛn nɛy ti̱ti̱ diaal cua kɛ böth ɛ gua̱ndiɛn puɔ̱t thuɔm rɛy luaak Kuɔth Nhial, lätdä palä luaak Kuɔth. Kä cu A-thap kɛnɛ Yɛ-du-thun kɛ ɣe-man la̱t ni ruac kua̱r.

⁷ Kä cu pekdiɛn amäni ji̱ maarädiɛn tin ca ŋi̱eec kɛ lät din puɔnyä Kuɔth Nhial, tin tekɛ ŋäc a nɛy ti kur rɛw wi̱cdɛ jiɛɛn bädäk wi̱cdɛ bädäk matdiɛn diaal.

⁸ Ŋuɛ̈tni kɛ di̱t kɛ kua̱r ŋi̱i̱cä kɛ dho̱li gɔ̱rä kɛn diaal kɛɛl, cua kɛ yuɔr gaakni kɛ kui̱ lätnikiɛn.

⁹ Kä cu gaak in nhiam pɛn kä A-thap, cuɛ pɛn kä gatdɛ ni Jo-thɛp kɛnɛ ji̱ maarädɛ, kɛn da̱ŋ wäl rɛw. Cu rɛwdɛ pɛn kä Gɛ-dɛ̈l-yaa kɛnɛ gaatkɛ kɛ ji̱ maarädɛ, kɛn da̱ŋ wäl rɛw.

¹⁰ Cu diɔ̱ɔ̱kdiɛn pɛn kä Dha-kur kɛnɛ ji̱ maarädɛ, kɛn da̱ŋ wälrɛw.

¹¹ Cu ŋuaandiɛn pɛn kä Yidh-ri kɛnɛ ji̱ maarädɛ, kɛn da̱ŋ wälrɛw.

¹² Cu dhieecdiɛn pɛn kä Nɛ-thɛ̈n-yaa kɛnɛ ji̱ maarädɛ, kɛn da̱ŋ wälrɛw.

¹³ Cu bäkɛliɛn pɛn kä Bu-ki-yaa kɛnɛ ji̱ maarädɛ, kɛn da̱ŋ wälrɛw.

¹⁴ Cu bärɔwdiɛn pɛn kä Yɛ-tha-re-laa kɛnɛ ji̱ maarädɛ, kɛn da̱ŋ wälrɛw.

¹⁵ Cu bädäkdiɛn pɛn kä Yɛ-cɛ̈-yaa kɛnɛ ji̱ maarädɛ, kɛn da̱ŋ wälrɛw.

¹⁶ Cu bäŋuandiɛn pɛn kä Mɛ̈-tɛ̈n-yaa kɛnɛ ji̱ maarädɛ, kɛn da̱ŋ wälrɛw.

¹⁷ Cu wäliɛn pɛn kä Cimi kɛnɛ ji̱ maarädɛ, kɛn da̱ŋ wälrɛw.

¹⁸ Cu wälkɛliɛn pɛn kä Ä-dhar-el kɛnɛ ji̱ maarädɛ, kɛn da̱ŋ wälrɛw.

¹⁹ Cu wälrɛwdiɛn pen kä Ɣä-cɛ̈b-yaa kɛnɛ ji̱ maarädɛ, kɛn da̱ŋ wälrɛw.

²⁰ Cu wäldiɔ̱kdiɛn pɛn kä Cu-ba-el kɛnɛ ji̱ maarädɛ, kɛn da̱ŋ wälrɛw.

²¹ Cu wälŋuaandiɛn pɛn kä Mɛ̈-tith-yaa kɛnɛ ji̱ maarädɛ, kɛn da̱ŋ wälrɛw.

²² Cu wäldhieecdiɛn pɛn kä Yɛ-ri-moth kɛnɛ ji̱ maarädɛ, kɛn da̱ŋ wälrɛw.

²³ Cu wälbäkɛliɛn pɛn kä Ɣä-nɛ̈n-yaa kɛnɛ ji̱ maarädɛ, kɛn da̱ŋ wälrɛw.

²⁴ Cu wälbärɔwdiɛn pɛn kä Yɔc-bɛ-ka-caa kɛnɛ ji̱ maarädɛ, kɛn da̱ŋ wälrɛw.

²⁵ Cu wälbädäkdiɛn pɛn kä Ɣä-na-ni kɛnɛ ji̱ maarädɛ, kɛn da̱ŋ wälrɛw.

²⁶ Cu wälbäŋuandiɛn pɛn kä Mɛ̈-lo-thi kɛnɛ ji̱ maarädɛ, kɛn da̱ŋ wälrɛw.

²⁷ Cu jiɛn da̱ŋ rɛwdiɛn pɛn kä Ɛ-li-a-thaa kɛnɛ ji̱ maarädɛ, kɛn da̱ŋ wälrɛw.

²⁸ Cu jiɛn da̱ŋ rɛwdiɛn wi̱cdɛ kɛl pɛn kä Ɣo-thir kɛnɛ ji̱ maarädɛ, kɛn da̱ŋ wälrɛw.

²⁹ Cu jiɛn da̱ŋ rɛwdiɛn wi̱cdɛ rɛw pɛn kä Gi-dɛ̈l-ti kɛnɛ ji̱ maarädɛ, kɛn da̱ŋ wälrɛw.

³⁰ Cu jiɛn da̱ŋ rɛwdiɛn wi̱cdɛ diɔ̱k pɛn kä Mɛ̈-ɣä-dhi-oth kɛnɛ ji̱ maarädɛ, kɛn da̱ŋ wälrɛw.

³¹ Cu jiɛn da̱ŋ rɛwdiɛn wi̱cdɛ ŋuaan pɛn kä Ro-mɛ̈m-ti-ɛ-dhɛr kɛnɛ ji̱ maarädɛ, kɛn da̱ŋ wälrɛw.