1 Kuɛ̈n 24 - RUAC KUƆTH IN RƐL RƆ

Buɔ̱n bööthni palä

¹ Kä cu nɛmɛ a buɔ̱n gan Ä-ron. Cu gaat Ä-ron a Na-dab kɛnɛ Ä-bi-ɣu kɛ Ɛl-a-dhar kɛnɛ I-ta-mar.

² Duundɛ ɣöö cu Na-dab kɛnɛ Ä-bi-ɣu kɔŋ li̱w nikɛn kä gua̱ndiɛn, kä thilɛ kɛ gaat. Kä cu Ɛl-a-dhar kɛnɛ I-ta-mar a bööth palä.

³ Kä cua kɛ luäk ɛ Dha-dok gat Ɛl-a-dhar kɛnɛ Ä-ɣi-mɛ-lɛk gat I-ta-mar, kä cu Dee-bid kɛ la̱th bua̱a̱ni ce̱tnikɛ lätkiɛn.

⁴ Cua gaat Ɛl-a-dhar la̱th buɔ̱a̱ni da̱ŋ wäl bäkɛl, kä cua gaat I-ta-mar la̱th bua̱a̱ni da̱ŋ bädäk, kɛ ɣöö cu ŋuan ni bööth thuk duëli Ɛl-a-dhar kä bööth thuk duëli I-ta-mar.

⁵ Kä cua kɛ da̱a̱k kɛ yor gaakni a päär, kɛ ɣöö tëë kɛ bööth luaak Kuɔth kɛ bööth palä Kuɔth rɛy gan Ɛl-a-dhar kɛnɛ I-ta-mar.

⁶ Kä cu Cɛ-mɛ̈-yaa gat Nɛ-tan-el bulkamiin raan Lii-bay kɛ gɔ̱a̱r piny nhiam kua̱r, kɛnɛ bööth, kɛ bööth palä ni Dha-dok kɛnɛ Ä-ɣi-mɛ-lɛk gat Ɛb-ya-thar, kɛ bööth thuk duëli bööthni pali kɛ ji̱ Lii-bay. Cua thok duëël kɛl ka̱n thok duëël Ɛl-a-dhar kɛnɛ thok duëël I-ta-mar.

⁷ Kä cua kɛ kuany inɛ. Cua Yɛ-ɣo-ya-rib ram in nhiam, cu rɛwdɛ a Yɛ-dɛ̈-yaa.

⁸ Cu diɔ̱ɔ̱kdiɛn a Ɣa-rim, cu ŋuaandiɛn a Thɛ-rim.

⁹ Cu dhieecdiɛn a Mɛ̈l-ki-yaa, kä cu bäkɛliɛn a Mi-ya-min.

¹⁰ Kä cu bärɔwdiɛn a Ɣɛ̈-kodh, kä cu bädäkdiɛn a Ä-bi-yaa.

¹¹ Kä cu bäŋuandiɛn a Yɛ-cuwä, kä cu wäliɛn a Cɛ-kɛ̈n-yaa.

¹² Kä cu wälkɛliɛn a Ɛl-ya-cib, kä cu wäl rɛwdiɛn a Ya-kim.

¹³ Kä cu wäldiɔ̱kdiɛn a Ɣupaa, kä cu wälŋuaandiɛn a Yɛ-cɛ-bab.

¹⁴ Kä cu wäldhieecdiɛn a Bil-gaa, kä cu wälbäkɛliɛn a I-mer.

¹⁵ Kä cu wälbärɔwdiɛn a Ɣe-dhir, kä cu wälbädäkdiɛn a Ɣa-pi-dhedh.

¹⁶ Kä cu wälbäŋuandiɛn a Pɛ-thɛ̈k-yaa, kä cu jiɛn da̱ŋ rɛwdiɛn a Yɛ-ɣɛdh-kel.

¹⁷ Kä cu jiɛn da̱ŋ rɛwdiɛn wi̱cdɛ kɛl a Ya-kin, kä cu jiɛn da̱ŋ rɛwdiɛn wi̱cdɛ rɛw a Ga-mul.

¹⁸ Kä cu jiɛn da̱ŋ rɛwdiɛn wi̱cdɛ diɔ̱k a Dɛ-la-yaa, kä cu jiɛn da̱ŋ rɛwdiɛn wi̱cdɛ ŋuaan a Mɛ̈dh-yaa.

¹⁹ Cu nɔmɔ a jɛn kuëny ëë kuanykɛ kɛ, kɛ kui̱ latnikiɛn rɛy luaak Kuɔth Nhial, ce̱tnikɛ mëë ca la̱rkɛ ɛ gua̱ndɔɔŋdiɛn ni Ä-ron, ce̱tnikɛ mëë ca la̱r jɛ ɛ Kuoth Nhial min la Kuoth I-thɛ-rɛl.

Ji̱ Lii-bay tin kɔ̱ŋ

²⁰ Kä duɔth gan Lii-bay tin kɔ̱ŋ cua gat Am-ram ni Cu-ba-el kä gaat Cu-ba-el, cua Yɛ-dɛ-yaa.

²¹ Kä gaat Rɛ-ɣɛ̈b-yaa, cua Yi-ci-yaa.

²² Kä gaat ji̱ Yidh-ɣar, cua Cɛ-lo-moth kä gaat Cɛ-lo-moth, cua Yɛ̈-ɣɛ̈th.

²³ Kä gaat Ɣɛb-ron, cua Yɛ-ri-yaa kɛnɛ Ä-mɛ̈r-yaa kɛnɛ Yä-dhi-el kɛ Yɛ-kɛ̈-mam.

²⁴ Kä gaat U-dhi-el cua Mikaa, kä gaat Mikaa cua Ca-mir.

²⁵ Kä gaat däman Mikaa cua Yi-ci-yaa, kä gaat Yi-ci-yaa cua Dhɛ-kar-yaa.

²⁶ Kä gaat Mɛ-ra-ri cua Mɛ̈k-li kɛnɛ Muci, kä cu gat Yä-dhi-yaa a Bɛno.

²⁷ Kä gaat Mɛ-ra-ri, cua Yä-dhi-yaa kɛnɛ Bɛno kɛ Co-ɣɛ̈m kɛnɛ Dha-kur kɛ Ib-ri.

²⁸ Kä gaat Mɛ̈k-li cua Ɛl-a-dhar, kä cu Ɛl-a-dhar thil gaat.

²⁹ Kä gaat Kic cua Yɛ-ra̱-mel.

³⁰ Kä gaat Muci, cua Mɛ̈k-li kɛnɛ E-dɛr kɛ Yɛ-ri-moth. Cu tɔ̱tɔ̱ a ji̱ Lii-bay kɛ thuk duëlikiɛn.

³¹ Kä cu kɛ gaakni yuɔr ce̱tnikɛ mëë ca la̱t ɛ gaat mani ni gaat Ä-ron nhiam kua̱r ni Dee-bid kɛnɛ Dha-dok kɛ Ä-ɣi-mɛ-lɛk kɛ bööth thuk duëli bööthni pali kɛ ji̱ Lii-bay. Cukɛ jɛ la̱t kɛn diaal bööth thuk duëli kɛɛl kɛ gaat mani tin tiɛtni.