1 Jɔ̱ɔ̱n 4 - RUAC KUƆTH IN RƐL RƆ

Yiëë mi thuɔ̱k kɛnɛ mi kac

¹ Nhöökä, /cuarɛ yiey diaal ŋäth. Ɣɔ̱a̱nɛ yiey kɛ ɣöö bia nɛn mi kɛ yiey ti bä kä Kuoth, kɛ ɣöö ci göök kacä ti ŋuan däk wi̱i̱ muɔ̱ɔ̱n.

² Bia Yiëë Kuɔth ŋa̱c kɛ nɛmɛ. Yiey diaal tin bi jɛ lat ɛn ɣöö ci Yecu Kritho ben kɛ puɔ̱ny ran kɛ yiey ti bä kä Kuoth.

³ Kä yiey diaal tin /ca jɛ bi lat ɛn ɣöö Yecu cɛ ben kɛ puɔ̱ny, /cikɛ yiey ti bä kä Kuoth. Nɛmɛ ɛ jɛn ciaŋ gua̱n tɛ̈r Kritho in ci yɛn ɛ liŋ i̱ bi ben, kä ɛn täämɛ jɛn a rɛy ɣɔaa.

⁴ Nyin tiɛtnikä, bä yɛn kä Kuoth, kä ci yɛn yiey tɔ̱tɔ̱ puɔ̱t, kɛ ɣöö di̱t ni jɛn ram in te rɛydun kä ram in te rɛy ɣɔaa.

⁵ Kɛn kɛ ji̱ ɣɔaa, kɛ kui̱ ɛmɔ min lat kɛn ɛ ɛ duŋ ɣɔaa, kä liŋ ɣɔw kɛ.

⁶ Kɔn lapnɛ ji̱ Kuɔth. Kä ram ɔ ŋäc Kuoth ɔ liŋɛ ruaacnikɔn, kä ram ɔ /ci bä kä Kuoth ɔ, /cɛ kɔn liŋ. Kä kɛ nɛmɛ ŋäc kɔn yiëë thukä kɛnɛ yiëë mi /ci mɔ a thuɔ̱k.

Kuoth ɛ nhök

⁷ Nhöökä, kuanɛ rɔ nhɔk, kɛ ɣöö nhök bëë kä Kuoth, kɛ ɣöö ram mi nhɔk naath di̱eth ɛ Kuoth, kä ŋäcɛ Kuoth.

⁸ Kä ram mi /ci naath nhɔk, kui̱cɛ Kuoth kɛ ɣöö Kuoth ɛ nhök.

⁹ Kä nhök Kuɔth ca jɛ nyuɔ̱th kɔn kɛ duɔ̱ɔ̱p ɛmɛ, kɛ ɣöö ci Kuoth Gatdɛ min kɛl kärɔa jäkä wi̱i̱ muɔ̱ɔ̱n, kɛ ɣöö dënɛ tëk kɛ jɛ.

¹⁰ Te nhök rɛy kä nɛmɛ, /ciɛ ɣöö nhɔaknɛ Kuoth, kä ɛ ɣöö nhɔk Kuoth kɔn, kä cɛ Gatdɛ ja̱k ala muc mi luɛlɛ ni dueerkɔn.

¹¹ Nhöökä, min nhɔk Kuoth kɔn ɛlɔ̱ŋ, gɔaa ni ɣöö banɛ rɔ nhɔk bä.

¹² Thilɛ ram mi ci Kuoth met nɛn, mi nhɔak nɛ rɔ, cieŋ Kuoth rɛydan, kä nhökdɛ ro̱ŋɛ rɛydan.

¹³ Kä nɛmɛ ŋäc kɔn ɛ ɛn ɣöö cieŋ kɔn rɛydɛ kä tëë rɛydan, kɛ ɣöö cɛ kɔn ka̱m Yiëëdɛ.

¹⁴ Kä canɛ jɛ nɛn, kä lat kɔn ɛ ɛn ɣöö ci Gua̱a̱r in te nhial Gatdɛ ja̱k ala Kään ɣɔaa.

¹⁵ Cieŋ Kuoth rɛy ram mi laar jɛ ɛn ɣöö Yecu ɛ Gat Kuɔth, kä tëë rɛy Kuɔth.

¹⁶ Kä ɛnɔ ŋäc kɔn kä ŋääth kɔn nhök in nhɔk Kuoth ɛ ni kɔn. Kuoth ɛ nhök, kä nɛy tin cieŋ rɛy nho̱kä cieŋkɛ rɛy Kuɔth, kä cieŋ Kuoth rɛydiɛn.

¹⁷ Ci nhök ro̱ŋ rɛydan kɛ nɛmɛ, ɛn ɣöö dënɛ tekɛ liak kɛ cäŋ luɔ̱k in di̱i̱t, kɛ ɣöö ce̱t ta̱a̱dan wi̱i̱ muɔ̱ɔ̱n ɛmɛ kɛ ta̱a̱ in tekɛ jɛ.

¹⁸ Thilɛ nhök rɛydɛ dual, kä nhök mi thuɔ̱k dhiacɛ dual raar. Kɛ ɣöö dual no̱o̱ŋɛ duäc, kä ram mi dual /kenɛ ro̱ŋ kɛ nhök.

¹⁹ Nho̱k kɔn, kɛ ɣöö cɛ kɔn nhɔk kɛ nhiam.

²⁰ Kä nɛy tin wee i̱, “Nhɔakä Kuoth,” kä nyiɛrkɛ dämani, kɛ ji̱ kacä, kɛ ɣöö nɛy ti /ci dämani tin nɛɛn kɛn kɛ nhɔk, /cikɛ Kuoth in /ka̱n met nɛn dee nhɔk.

²¹ Kä luek in cɛ ka̱m kɔn ɛn. Nɛy tin nhɔakɛ Kuoth bikɛ dämani dhil nhɔk bä.