Ezabbuli 82 - Endagaano Epyaha ko n'ebitabo ebindi eby'Endagaano Ekayire mu Lunyole

Ezabbuli ya Asafu.

¹ Hatonda njʼomuhulu wʼoluhiiho mwigulu aŋa esala eyʼemisango mu bahatonda.

² “Mulyosa ŋe ohusala emisango ni mwehubbira, ni mubeera abahosi bʼebibi?

³ Muyeede abagadi nʼabafuubbi era musolerenga abaatu aba banyigiirisa.

⁴ Muyeede abanafu nʼabali mu wetaavu, mubanunule ohuŋwa mu buŋangi wʼabahosi bʼebibi.”

⁵ “Ŋaŋuma ehi bamanyire era ŋaŋuma ehibategeera, bagendera mu hiirema era emisingi josijosi ejʼehyalo jiteetema.

⁶ Naloma ti, ‘Muli bahatonda, mwesimwesi muli baana bʼoyo Ali Ŋamugulu Obugali.’

⁷ Aye muja hufa hyʼabaatu obuutu, muja huheneresa hyʼabaŋugi abandi.”

⁸ O Hatonda, yinyoha osalire ehyalo omusango olwohuba amawanga gosigosi gago.