Ezabbuli 76 - Endagaano Epyaha ko n'ebitabo ebindi eby'Endagaano Ekayire mu Lunyole

Yʼomutangirisi wʼabembi. Ohwemba nʼebivuga ebyʼewaaya. Ezabbuli ya Asafu. Olwembo.

¹ Hatonda amanyiheene mu hyalo hya Yuda, esiina lirye lyʼamaani mu Yisirayiri.

² Eweema yiye yiri mu Yerusaalemu amago gage gali hu lusozi Sayuuni.

³ Eyo peyi gabbwagabbwagira obusaale wʼomulabe nʼengabo nʼepiima ebisoosa byomu lutalo.

⁴ Hatonda, ngʼoli wʼeŋono, ohumba hya habaha ohuŋwa hu sozi eyi waŋangulira abalabe.

⁵ Babanyagireho abasooli baawe abasira bosibosi, eŋuma aŋanga ohutwinyoheraho.

⁶ O Hatonda wa Yakobbo, ni wahayuha embalaasi nʼamagaali, byaŋwera mwiroba.

⁷ Aye ewe weŋene njʼoyu bali nʼohutya! Njʼani asobola ohwemeerera mu moni jijo nʼoluŋire?

⁸ Nʼoli mwigulu wasala emisango abaatu hu hyalo baatya era baŋolerehana,

⁹ O Hatonda, ni waŋwayo wabasalira emisango ohunoŋola ababanyigirisa bosibosi hu hyalo.

¹⁰ Mu butuufu oweene obusungu wʼabaatu buŋwamo ohuhuŋa eŋono era abo abaja huŋona mu talo, balihutendereza.

¹¹ Mweyamanga eyiri Musengwa Hatonda wenywe era mwoheresenga. Amawanga agohumulirano, galeetera oyo oyu batya ebirabo.

¹² Gehahania ehitigi hyʼabaŋugi era abahabaha hu hyalo bamutya.