Ezabbuli 126 - Endagaano Epyaha ko n'ebitabo ebindi eby'Endagaano Ekayire mu Lunyole

Olwembo nʼotiina e Yerusaalemu.

¹ Musengwa ni gatugobosa mu Sayuuni ohuŋwa mu busibe, hwali hyʼabaloota.

² Hwejula amamwemwe era hwemba nʼesangaalo. Nga abanamawanga baloma baati, “Musengwa abaholeeye ebyeŋunjisa!”

³ Musengwa atuholeeye ebyeŋunjisa era huli basangaafu.

⁴ O Musengwa, tugaluse bunyaaha hyʼefula ngʼolu yejusa enjabi ejomeera mu Negevu.

⁵ Abo abamwa ni balira baja huhungula ni basaŋalya.

⁶ Atiina ohumwa nʼalira aligaluha engo nʼahubba ebigalagala era ni getwihire emiganda jʼamakungula.