Ezabbuli 122 - Endagaano Epyaha ko n'ebitabo ebindi eby'Endagaano Ekayire mu Lunyole

Olwembo nʼotiina e Yerusaalemu. Olwembo lwa Dawudi.

¹ Nasangaala olu bandoma baati, “Nja hutiine mu nyumba ya Musengwa.”

² O Yerusaalemu hatyane huli ŋano, hwemereeye mu miryango jijo.

³ Yerusaalemu hibuga ehi batongola ni behoota, eŋuma aŋanga ohuhijagiija.

⁴ Era eyo peyi biha bya Yisirayiri bitiina ohujumirya Musengwa ngʼolu egambi lirye libalagira.

⁵ Mu hibuga ehyo pomuli etebe ya Dawudi eyʼobuŋugi ohu beehala basala emisango.

⁶ Sabira Yerusaalemu ohubaamo emiyaaya ti, “Abo abahwenda babe bulaŋi.

⁷ Ha emiyaaya jibe mu bisenge bibyo, obuhuumi mu lubiri lulwo.”

⁸ Olwʼabalebe nʼabameeri bange nja huloma Yerusaalemu ti, “Emiyaaya jibe mu ewe!”

⁹ Olwʼenyumba ya Musengwa Hatonda weefe, kusabira ohulahulane.