Ezabbuli 1 - Endagaano Epyaha ko n'ebitabo ebindi eby'Endagaano Ekayire mu Lunyole

¹ Gesiimire oyo ataholera hu magesi gʼabahosi bʼebibi oba ohuŋamba engira yʼabahola ebibi oba ohwihala ŋalala nʼabanyooma Hatonda.

² Aye ehimusangaasa njʼohugonderanga amagambi ga Musengwa era agaŋeegaho omuusi nʼowiire.

³ Omuutu oyo ali hyʼomusaala ogu baahoma ohuupi nʼesulo jʼamaaji, ogwama ebibala mu hiseera era amahoose gaagwo sigaŋotoha. Ahulahulana mu hiisi ehi ahola.

⁴ Aye abahosi bʼebibi sibali baatyo, bali hyʼomuhuuji ogu punga efuuŋa gwadumuuha.

⁵ Olwʼehyo abahosi bʼebibi sibaliŋunuha hubasalira musango, era sibaja hweŋimba mu luhumbaano lwʼabagwalaafu.

⁶ Hiri hiityo olwohuba Musengwa alabirira abagwalaafu, ne abahosi bʼebibi baja husihiiriha.