II Tsl 1 - Testamente Ledrimpswha ni Mapsalma

Kulosa

¹ Mine Pawulosi na Silvano, na Timotewu, ku kereke dra le-Tesalonika, ledringa ku Xikwembu Nkulukumba, Tatana weru ni Hosi yeru Yesu Kriste.

² Hin'winavelela timpswalu ni kurula, leswifaka ku Xikwembu Nkulukumba, Tatana, ni ku Hosi Yesu Kriste.

Kriste atela kuyavanyisa misava

³ I mfanelo yeru kutlangela Xikwembu Nkulukumba hi minkama hinkwayu ha n'wine vamakweru. Swanga hi leswi swifanelekiki, hikusa a kupfumela kwenu kuvi kukula ni kuhuhuma ka lirandru drenu ku mun'wana-ni-mun'wana dra yengetelana.

⁴ N'wine n'wimhaka ya kutikulisa kweru makari ka makereke ya Xikwembu Nkulukumba hinkonta ya kulehisa ka mbilu, ni ka vupfumeli loku n'wikukombisaka ku tinxaniso hinkwatu ni kunonon'hwa loku n'winga ni kukurwala.

⁵ Leswo i xikombiso swoswi xa yavanyiso dra kululama, ledri Xikwembu Nkulukumba ataka paluxa mfanelo ya Mfumu wakwe, hi lirandru droledri n'wine n'wirwaliki mahlomulo ya kunhati.

⁶ Hi ndlela yoleyo lava van'wirambelaka van'wivangelaka tinxanisa leto vatayamukela xikhatiso xinene ku Xikwembu Nkulukumba.

⁷ Ku n'wine lava vaxanisekaka swanga ha hine, atan'wiwisisa Yene, loko kutahumelela hi le Tilweni Hosi Yesu ni tintrumi ta ntamu wakwe.

⁸ Atata hi le makari ka malangavi ya ndrilo, a kutatakhatisa lava vayalaka Xikwembu Nkulukumba, ni lava vangayingisetikiki a Ivangeli ya Hosi Yesu Kriste.

⁹ Vata kuma kutremeliwa lavo ka kulahleka loku kunga gamikiki, kule ni vukone bya vuso bya Hosi, kule ni ntamu wakwe ni ka kuphatima kwake.

¹⁰ Dri tava siku ledri a Hosi yitaka tela kubekeliwa xihluwa hi hinkwavu ni vahlawuliwa va yone, ni kukutxiwa hi hinkwavu lava yamukeliki vupfumeli. Na n'wine mipfumeli mhaka yeru ya Ivangeli.

¹¹ Hiswoleswo han'wikombela hi kukhinyelela ku Xikwembu Nkulukumba weru, akuva an'wipfuna kuyangula kuvitana kwake, akun'winyika mintamu akuva n'wiyisa hi mintiro ku hinkwavu a makungu ya hombe, ni kundruluka kakutlhavukanya ka vupfumeli byenu.

¹² Hindlela le, a vito dra Hosi yeru Yesu Kriste dritadrumisiwa hi mahanyela yenu, na n'wine mita drumisiwa ha yene, hi matovoko ya Xikwembu Nkulukumba wenu ni ya Hosi Yesu Kriste.