Sam 93 - Natqgu

Sam Kranzpnu-rpwxmz-nrade-tq (93) King Kc Tqmyatxlz-esz'ngr

¹ Yawe, nim King kc tqmyatxlz-esz'ngr, x rngiscm zmatq. Wz-ngrn nrlc x tu-amqngio me yc-ngrde x trycngrlru.

² Nzmnc-krm tqyc tqyc. X nzngini-krm King yc pnz kai, x sc tqwz-ate-ngrn dalr nrlc ka.

³ Yawe, srkau ngr prla, nzalxlvrti-ebir-ngrdr da. X natq nrc ngrde aycngrlrle nrlc, mz zmatq kx xplr.

⁴ A' nzmyalz-krm myaszpxle srkau. X zmatq ngrm myaszpxle nzmatqkr natq nrc, murde nim kc tqmnctxlz tqmatq-esz'ngrn.

⁵ Yawe, Loukxtr scmqng tqvzpe, tqvzpe. X Mangr-nzangiongr nim nztr-zlwz-krde tqyc, tqyc.