Sam 61 - Natqgu

Sam Kranzpnu-esz'mz-nrade-esz' (61) Vzmibz Ninge Mz Butqbr Kxmqngi

Nabz ne Devet kx yrbzle mz kxrmailz ngr dzbe kxnzngrng.

¹ Gct, xlrm nzyrni-krnge, X lalztqm mz nzkrka'-krnge.

² Kqlex nim murde mncx esz'-krnge, x nabznge talvzo zlwz. Vzmibz ninge mz butqbr kxmqngi.

³ Murde nim lrpalvc nyznge, Me rlakitrx mz mq enqmi rngeng.

⁴ Rlr-ngrm bange nzmncpx-alo-krmc mz ma nyzm. Murde na-apux nei kio kx mnc-kapqlzbz mz nabx lxede.

⁵ Gct, abrtzlvzq nzesalz-krnge nzangrlvz-zvz-krnge nim. Murde krlc takitrde leplz kcng tzamrluelr nim.

⁶ Kam bange nzlungr kxboi, ninge king nem, Murde nzmnc-krnge navz zvz.

⁷ Okatrp ninge mz nzaclve-angidr-krnge leplz nengeng mz nzmnclz-krbo mz zmatq ngrm. Ayrbqpx ninge mz nzaodu-zvz-krm ninge x nzangidati-krm natqm.

⁸ Delc na-angrlvz-zvzx nim, Mz nzale-krnge da kc tqesalz-ngrbo bam.