Sam 48 - Natqgu

Sam Kranzpnu-pwx-nrade-rtqmz (48) Nzmyalzkr Jerusalem, Mzteadau Nyz Gct Mzteadau Nyz Gct

Nabz ne nqvi lr Kora.

¹ Yawe myatxlz-esz'ngr. X takitrde nzglqlz-krgu nide Mz mzteadau nyzde kc tqycom Saeon, newz kxtr nyzde.

² Nide king kx rngisc zmatq. X Newz Saeon myatxlz x mzte opx. X Mzteadau nyzde rkatrpz nzabrtzkr leplz mz nrlc tqlvzo.

³ Gct aelwapxpe-ngrde kx trpnzngr da kx nakx mz drtqgu, Mz nzmncpx-krmgu badr mz lrpalvc nyzdeng mz mzteadau lc.

⁴ Kzdung king nzvzmqng nztung me esz'. Nzrpilr naotang badr lr mzteadau lc.

⁵ A' kx nzmclr nzmatq-zlwzkr mzteadau Jerusalem, Nzkctipx-ngrdr x sc tzdwapeng mz zmwxlr,

^6-7 Kc tqprtilzle nidr Apule zvetq ngr drtq olvz kx narmika. X nzrnrcti-lzbqng Apule lcsu kxrtcnengr srkau ngr nounenq.

⁸ X mzli lcpwz, tqmnc-ngrgu mzteadau nyz Gct rgu, Sc tqmcpe-kzku kx Yawe nide Gct kc tqrninr. X atu-amqngi-zvzle mzteadau lc, Da kc tzwai nzyapwxtipxkr melrmqgung le mzli kc.

Mangr-nzangiongr Gct

⁹ Gct, aoti zvz drtwrgr nzaodu-krm Mz nzvztr-krgr Mangr-nzangiongr nim.

¹⁰ Leplz amrlx mz nrlc tulvzo sa naglqlzlr nim mz nzxlr-krdr nzmyalz-krm. Murde nzaclve-angidr-krm tubq.

¹¹ X nigr lr Israel amrlx nzabrtz-ngrgr kz Nztubqkr da kx pipxq.

¹² Nigu leplz neng Gct, naolvxtiku Jerusalem, X nabrti mzku mrkcng tztu-ngrdr kxnzaukz nedeng.

¹³ Naobqlvzti-zpwxku drkq ngrdeng x nzmqngikr lrpalvc ngrdeng, Murde nayapwxtipx-zvzbz mz doa ne doa negung.

¹⁴ Nzmyalzkr Gct rgu sc tqaelwapx-lzbqngr mz mzteadau lc. X sc tqmailzle nigu tqyc tqyc.