Sam 3 - Natqgu

Sam Kratq (3) Nou Nzarlapxngr X Nzaovxiongr

kc tqyrle mzli kc tqdwasz-ngrde mrlxde Absalom.

¹ Yawe, enqmi rngeng nzkqlu-zlwzng, X nztutitr zvz nardr ninge.

² Nzrpilr mz nzyapwxti-krdr ninge kx, “Gct trtxpnzngr nzokatr-krde nide.”

³ A' Yawe, nim kx mnc-ngale-zvzle ninge. Nim nou nzaovxio-krnge x nim kx apqtrp drtwrnge.

⁴ Delc tqrlxti-ngrbo nzokatr-krm ninge, X ayzluome natqnge mz newz kxtr nyzm.

⁵ Murde namwi-angidrx mz nrlckxbq x melz-mopwc' mz nourla, Mz nzaclve-angidrq ninge.

⁶ Kxmule-esz' nztu-ngalelvzlr ninge siu ngr enqmi, A' trtxpnzngr nzmwxlr-krnge.

⁷ Murde krka'-ngrne kx, “Yawe, Gct rnge, vzm arlapx ninge, X katxpxbz zmatq ngrdrng.”

⁸ Yawe, nim nou nzarlapxngr, X da kxmrlzting amrlx kabzme mz leplz nemqng.