Sam 150 - Natqgu

Sam Kratrtqki-esz'-nzpnu-nzlvqn (150) Naelabzku Mz Yawe

¹ Naglqlzku Yawe mz nzmnc-krde Mangr-nzangiongr, X nzmnc-krde Heven kc tqmyalz.

² Na-angrlvzku nide nzmyalz-esz'ngr-krde Mz nzale-krde da kcng tqmatq.

^3-5 Naelamibzku nrasrpwale X natz-katobzku bade kcte. Naelabzku bade navzmi nzayrpla-krgu da, Nzrta-krgu da, x nzayrlewz-krgu da mz mqgu. Navxubzku trpu x ncblei. X na-ayrniku gita x ukzlele mz nzglqlz-krgu nide.

⁶ Nigu kxnzlung amrlx, naelalz-ngrm drtwrgu Yawe. Naglqlzku Yawe!